قازاقستاندىق تانىمال اكتەر, كاسكادەر, مودەل ەرٸ كەسٸپكەر ولجاس توعىمبەت Stan.kz-كە بەرگەن سۇحباتىندا جەكە ٶمٸرٸنە قاتىستى سىرىن اشتى. ٶنەر يەسٸ ٶزٸنەن جاسى ٷلكەن ەيەلدٸڭ قارجىلاي قامتاماسىز ەتۋدٸ ۇسىنعانىن ايتىپ, بۇل جاعدايدان كەيٸن مودەلدٸك مانسابىن توقتاتۋعا شەشٸم قابىلداعانىن جەتكٸزدٸ, دەپ حابارلايدى ult.kz.
سۇحبات بارىسىندا جۋرناليست اكتەردەن وسىدان بٸرنەشە جىل بۇرىن ايتقان ەڭگٸمەسٸ تۋرالى سۇرادى. اتاپ ايتقاندا, جٷرگٸزۋشٸ ٶزٸنەن ٷلكەن ەيەلدەردٸڭ ونى اسىراۋعا ۇسىنىس جاساعانى جٶنٸندەگٸ سٶزٸن ەسكە سالدى.
ولجاس توعىمبەتتٸڭ ايتۋىنشا, وقيعا شامامەن 10 جىل بۇرىن, مودەل بولىپ جۇمىس ٸستەپ جٷرگەن كەزٸندە بولعان. اكتەر مۇنداي ۇسىنىستى مٷلدە كٷتپەگەنٸن جەنە ونى قابىلداي الماعانىن جاسىرمادى.
"ول 10 جىل بۇرىن مودەل بولىپ جٷرگەن كەزدە بولدى. ايتىپ كەتكەندەي, شىمكەنتتٸڭ جٸگٸتٸ بولعاندىقتان, ول نەرسە ماعان جات كٶرٸندٸ. سول ۇسىنىس تٷسكەندە دەنەم تٸتٸركەنٸپ كەتتٸ. تەلەفونىن بەردٸ, حابارلاس, جاعدايىڭدى جاساپ الاسىڭ دەپ. مەن ول كەزدە بالالاردى كٷتٸپ تۇرعانمىن. سودان كەيٸن مودەلدٸكتەن كەتٸپ, فريلانسەر بولىپ كەتتٸم. ٶزٸممەن-ٶزٸم جۇمىس جاساعان دۇرىس دەپ شەشتٸم", – دەدٸ اكتەر.
الايدا ولجاس توعىمبەت بۇل وقيعانى جاۋاپسىز قالدىرماعان. بٸرنەشە كٷن ٶتكەن سوڭ ۇسىنىس جاساعان ەيەلمەن ارنايى كەزدەسٸپ, ٶزٸنٸڭ ۇستانىمىن اشىق جەتكٸزگەن.
"مەن ەر ازامات بولعاننان كەيٸن, بٸرنەشە كٷننەن كەيٸن ول كٸسٸمەن كەزدەستٸم. بۇل نەرسەنٸڭ ماعان جات ەكەنٸن ايتتىم. دۇرىس ەمەستٸگٸن تٷسٸندٸردٸم. دوس رەتٸندە ارالاسايىق. ٸنٸ رەتٸندە كٶمەك, دەمەۋشٸلٸك كەرەك بولسا دەگەن سيياقتى. مەن جاس بالا ەمەسپٸن, تٷسٸنٸگٸم باسقا. قازاقتىڭ ناعىز جٸگٸتٸمٸن دەپ بەرٸن تٷسٸندٸردٸم. بٸرەۋدٸڭ بەرەكەسٸن قالاي الامىن? ەر ازامات جەتٸستٸككە ٶزٸ جەتۋ كەرەك دەدٸم. سوسىن ول كٸسٸ مەنٸ سىيلاعاننان كەتتٸ", – دەپ ەسكە الدى ٶنەر يەسٸ.
اكتەردٸڭ سٶزٸنشە, بۇل ەڭگٸمەنٸڭ سوڭى تٷرلٸ قاۋەسەتكە ۇلاسقان. دەگەنمەن ول جۇرتتىڭ پٸكٸرٸ ٶزٸنە ەسەر ەتپەگەنٸن ايتتى.
"بٸراق سونىڭ ٶزٸندە ٶسەك كەتتٸ. ماعان بەرٸبٸر دەدٸم, باستىسى, مەن قۇدايدىڭ, ٶزٸمنٸڭ الدىمدا تازامىن", – دەپ تٷيٸندەدٸ ولجاس توعىمبەت.
وسىلايشا اكتەر قارجىلىق قولداۋدان گٶرٸ ٶز ەڭبەگٸمەن جەتٸستٸككە جەتۋدٸ تاڭداعانىن جەتكٸزدٸ
