Memleket basshysynyń áleýmettik jáne infraqurylymdyq nysandar salý týraly tapsyrmasy aiasynda elimizdiń barlyq óńirlerinde iri jobalar júzege asyrylyp jatyr. «Qazatomónerkásip» UAK» AQ men Qyzylorda oblysynyń ákimdigi óńirde 2026–2027 jyldary áleýmettik jobalardy iske asyrý jónindegi yntymaqtastyq týraly memorandýmǵa qol qoidy. Qujatqa sáikes áleýmettik mańyzy bar úsh jobany qarjylandyrýǵa 2,1 mlrd teńgeden astam qarjy baǵyttaldy. Atap aitsaq, Shieli aýdanynyń Báiterek aýylynda sport kesheni, Jańaqorǵan kentinde emhana boi kóterýde, dep habarlaidy ult.kz.
Mańyzdy jobalardyń biri – Jańaqorǵan aýdanyna qarasty Aqjol eldimekenindegi aýyldyq klýb ǵimaratynyń qurylysy. Jalpy aýdany 740 sharshy metrdi quraityn, 150 oryndyq nysan aýyl turǵyndary úshin rýhani-mádeni is-sharalar ótkizetin mańyzdy qoǵamdyq ortalyqqa ainalmaq.
Bul joba aýyl infraqurylymyn damytýǵa, turǵyndardyń bos ýaqytyn tiimdi uiymdastyrýǵa jáne óskeleń urpaqtyń shyǵarmashylyq áleýetin qoldaýǵa baǵyttalǵan.
«Aýylymyzdyń kórkeiip, jańǵyryp jatqanyna qýanamyz. Osyndai igi isterge qoldaý kórsetip, óńirimizdiń damýyna úles qosyp otyrǵan «Qazatomónerkásip» ulttyq atom kompaniiasyna alǵysymyzdy bildiremiz!» - deidi aýyl aqsaqaly Álimhan Qurmanbekov.
Qazatomónerkásip júzege asyryp jatqan áleýmettik jobalar meditsinalyq kómektiń qoljetimdiligin arttyryp, rýhani-mádeni qundylyqtardy jańǵyrtýǵa, jastar arasynda salaýatty ómir saltyn qalyptastyryp, óńir turǵyndarynyń ómir sapasyn jaqsartýdy kózdeidi.
Qazatomónerkásip úshin óndiristik qyzmetpen qatar ózi jumys isteitin óńirlerdiń áleýmettik damýyna úles qosý asa mańyzdy
