Qazaqstanda óndirilmegen meditsinalyq tehnikany otandyq ónim retinde satyp, memleketke 4,5 mlrd teńgeden astam zalal keltirdi degen kúdikti Grýziiadan ekstraditsiialandy, dep habarlaidy ult.kz.
Bas prokýratýra men UQK málimetinshe, kúdikti memlekettik meditsinalyq uiymdardyń tenderlerine qatysý úshin otandyq óndirýshi mártebesin zańsyz alǵan. Ol naqty óndiris ashpai, meditsinalyq jabdyqtardyń Qazaqstanda jasalatyny týraly memlekettik organdarǵa jalǵan aqparat bergen.
Nátijesinde sheteldik bólshekterden qurastyrylǵan tehnika memlekettik mekemelerge otandyq ónim retinde satylǵan.
Halyqaralyq izdeýde bolǵan azamat biyl naýryzda Grýziiada ustalyp, Qazaqstanǵa jetkizildi. Qazir tergeý izoliatorynda qamaýda otyr. Oǵan 10 jylǵa deiin bas bostandyǵynan aiyrý jazasy kózdelgen.
