قازاقستاندا ٶندٸرٸلمەگەن مەديتسينالىق تەحنيكانى وتاندىق ٶنٸم رەتٸندە ساتىپ, مەملەكەتكە 4,5 ملرد تەڭگەدەن استام زالال كەلتٸردٸ دەگەن كٷدٸكتٸ گرۋزييادان ەكستراديتسييالاندى, دەپ حابارلايدى ult.kz.
باس پروكۋراتۋرا مەن ۇقك مەلٸمەتٸنشە, كٷدٸكتٸ مەملەكەتتٸك مەديتسينالىق ۇيىمداردىڭ تەندەرلەرٸنە قاتىسۋ ٷشٸن وتاندىق ٶندٸرۋشٸ مەرتەبەسٸن زاڭسىز العان. ول ناقتى ٶندٸرٸس اشپاي, مەديتسينالىق جابدىقتاردىڭ قازاقستاندا جاسالاتىنى تۋرالى مەملەكەتتٸك ورگاندارعا جالعان اقپارات بەرگەن.
نەتيجەسٸندە شەتەلدٸك بٶلشەكتەردەن قۇراستىرىلعان تەحنيكا مەملەكەتتٸك مەكەمەلەرگە وتاندىق ٶنٸم رەتٸندە ساتىلعان.
حالىقارالىق ٸزدەۋدە بولعان ازامات بيىل ناۋرىزدا گرۋزييادا ۇستالىپ, قازاقستانعا جەتكٸزٸلدٸ. قازٸر تەرگەۋ يزولياتورىندا قاماۋدا وتىر. وعان 10 جىلعا دەيٸن باس بوستاندىعىنان ايىرۋ جازاسى كٶزدەلگەن.
