Almatyda áieldiń «Raiymbek batyr» metro stantsiiasynda jarylǵysh zat bar degen habarlamasynan keiin tekserý júrgizildi. Oqiǵaǵa bailanysty kúdikti birden ustaldy, dep habarlaidy ult.kz.
Qalalyq politsiia departamentiniń málimetinshe, áiel metro qyzmetkerlerine stantsiiada bomba bar ekenin aitqan. Oqiǵa ornyna tiisti mamandar shaqyrylyp, tekserý júrgizilgen. Alaida jarylǵysh qurylǵy nemese kúdikti zat tabylmady.
Aldyn ala málimet boiynsha, áiel Psihikalyq densaýlyq ortalyǵynda esepte turady. Qazir politsiia onyń áreketine quqyqtyq baǵa berý úshin tekserý júrgizip jatyr.
Politsiia metronyń qalypty rejimde jumys istep turǵanyn habarlady.
Eske salaiyq, buǵan deiin Almaty áýejaiynda zeinetkerdiń ushaqta bomba bolýy múmkin degen ázilinen keiin Almaty–Aqtaý reisi eki saǵatqa keshikken edi. Tekserý kezinde jarylǵysh zat tabylmaǵan.
