Aqtóbede neke saraiynda burynǵy kúieýiniń qolynan qaza tapqan 26 jastaǵy áieldiń eki balasy memleket qamqorlyǵyna alyndy. Qazir olar «Úmit» balalar úiine ornalastyrylǵan, dep habarlaidy ult.kz.
KTK málimetinshe, balalardyń aldaǵy ýaqytta kimniń qamqorlyǵyna beriletini zań aiasynda sheshiledi.
Aqtóbe oblystyq balalardyń quqyqtaryn qorǵaý basqarmasynyń basshysy Amangeldi Qonaqbaevtyń aitýynsha, jaǵdai basqarma men quqyq qorǵaý organdarynyń baqylaýynda. Balalarǵa qatysty sheshim olardyń zańdy múddeleri eskerile otyryp qabyldanady.
Eske salaiyq, buǵan deiin Aqtóbede neke saraiynda 26 jastaǵy áieldi burynǵy kúieýi pyshaqtap óltirgen. Kúdikti qamaýǵa alyndy. Marqum men er adam zańdy nekede bolmaǵan.
