Qostanai oblysynda Qazaqstanǵa zańsyz jolmen temeki ákelý áreketi toqtatyldy. Júk kóliginen aktsizdik markasy joq 10 myń qorap temeki tabyldy. Ónimniń jalpy quny 10,6 mln teńge bolǵan, dep habarlaidy ult.kz.
Qostanai oblysy boiynsha Ekonomikalyq tergep-tekserý departamentiniń málimetinshe, zańsyz tasymal UQK Shekara qyzmetimen birlesip anyqtalǵan.
2026 jylǵy 26 qyrkúiekte «Qairaq» avtomobil ótkizý pýnktinde Qazaqstanǵa kirmek bolǵan Volvo júk kóligi tekserilgen. Nátijesinde kólikten bes túrli temekiniń 1 000 blogy (10 myń qorap) tárkilendi.
Zańsyz ainalymnan alynǵan ónimniń aktsizdik markasy bolmaǵan. Tárkilengen temekiniń barlyǵy joiyldy.
Vedomstvo aktsizdeletin ónimdi tiisti qujattarsyz tasymaldaý jáne tańbalaý talaptaryn buzý zańǵa qaishy ekenin eskertti.
