Qazaqmys eńbek jaǵdaiyn jaqsartýda: «Annensk» shahtasynda ÁTK-ni jóndeý jumysy aiaqtaldy

Shyǵys Jezqazǵan kenishiniń «Annensk» shahtasynda ákimshilik-turmystyq keshendi (ÁTK) jóndeý jumysy aiaqtaldy. Jumys Qazaqmystyń eńbek jaǵdaiyn jaqsartý sondai-aq kásiporyndardyń óndiristik jáne áleýmettik-turmystyq infraqurylymyn jańartý baǵdarlamasy aiasynda júrgizildi.

Ǵimarattaǵy 68 kabinetke aǵymdaǵy jóndeý júrgizilip, qabyrǵalar, tóbeler, esikter men eden jabyndary jańartyldy. Kúndelikti paidalanatyn sanitarlyq-turmystyq jáne jýynatyn bólmelerge kúrdeli jóndeý júrgizildi.

Ishki keńistikti bezendirýge erekshe nazar aýdaryldy. Ákimshilik-turmystyq keshenniń qabyrǵalaryna «Alash» qozǵalysynyń kórnekti qairatkerleriniń, qazaqstandyq aǵartýshylardyń, ǵalymdardyń, aqyndar men jazýshylardyń portretteri ornalastyryldy. Kireberiste jumyskerlerdiń qolymen jasalǵan memlekettik rámizder stendi ornatyldy. Birinshi qabatta kofehana ashyldy.

Keshenniń ainalasy da kórkeitildi. Munda aǵashtar men gúlder otyrǵyzylyp, burǵylaý mashinasyna arnalǵan eskertkish ornatyldy jáne sýburqaq salyndy.

«Annensk» shahtasynyń turmystyq keshenin jańartý Qazaqmystyń infraqurylymdy jańǵyrtý baǵdarlamasynyń bir bóligi boldy. Onyń negizgi basymdyqtarynyń biri – jumyskerler úshin qolaily ári qaýipsiz eńbek jaǵdaiyn qalyptastyrý.

2026 jyly Jezqazǵan, Balqash jáne Qaraǵandy óńirlerindegi, sondai-aq Shatyrkól alańyndaǵy áleýmettik-turmystyq maqsattaǵy 80-nen astam nysandy kúrdeli jáne aǵymdaǵy jóndeýge 2,44 mlrd teńge qarastyrylǵan.

Baǵdarlama «Q.I. Satbayev atyndagy Jezqazgan Tau-ken óndirisi» óndiristik birlestiginde 38 nysandy qamtidy. Jóndeý jumysy Ońtústik Jezqazǵan, Batys Jezqazǵan kenishterinde, «Jomart» kenishinde, Jezqazǵan baiytý fabrikasynda jáne Mamandandyrylǵan energiia-jóndeý basqarmasynda júrgizildi.

Baǵdarlama jumyskerlerdiń eńbek etýi men demalýyn júieli túrde jaqsartýǵa baǵyttalǵan. Jýynatyn bólmelerdi turmystyq oryndardy, tamaqtaný nysandary men injenerlik infraqurylymdy jańartý óndiristik kásiporyndarda qolaily ári qaýipsiz orta qalyptastyrýǵa múmkindik beredi.