Senimdilik, qaýipsizdik, jailylyq pen basqarý múmkindigi – kúndelikti ómirge arnalǵan avtokólikti tańdaýdaǵy basty kriteriiler.
Kóliktiń dizainy nazar aýdartqanymen, ony satyp alý týraly sheshim qabyldaýda praktikalyq máselelerdiń mańyzy artyp keledi. Máselen, avtomobil qysta ózin qalai kórsetedi, qanshalyqty qaýipsiz jáne rólde otyrǵan kezde qandai tehnologiialar júrgizýshige kómektesedi? Qazaqstannyń keń baitaq aýmaǵyn, aýa temperatýrasynyń qubylýyn jáne jol jaǵdailarynyń ártúrliligin eskersek, bul talaptardyń ózektiligi arta túsedi.
MG brendiniń artynda 1924 jyldan bastaý alatyn britandyq avtomobil óndirisiniń 102 jyldyq tarihy bar. Alǵashynda sporttyq kólikter shyǵarýdan bastaý alǵan brend óziniń injenerlik filosofiiasyn qalyptastyrdy. Onyń negizinde qozǵalys serpini, basqarý múmkindigi jáne kólik júrgizýden lázzat alý qaǵidattary jatyr.
MG damýynyń jańa kezeńi brendtiń qytailyq SAIC Motor avtomobil kontserniniń quramyna enýimen bailanysty. Bul britandyq injenerlik murany ozyq tehnologiialarmen, aýqymdy óndiristik múmkindiktermen jáne zamanaýi ázirlemelermen ushtastyrýǵa jol ashty. Búginde MG dástúr men innovatsiiany, praktikalyq qolailylyqty úilestirgen avtomobilder usynatyn halyqaralyq brend retinde damýyn jalǵastyryp keledi.
Foto: Allur
Senimdilik – uzaq jyldarǵa kepil
Qazaqstannyń klimaty men jol jaǵdaiy avtomobil shanaǵy men tehnikalyq toraptarynyń qorǵanysyna erekshe talap qoiady. MG markasynyń barlyq avtomobilderi tolyq myryshtalǵan shanaqpen jabdyqtalǵan jáne zaýytta túbi korroziiaǵa qarsy óńdeýden ótedi. Al MG 5 jáne MG ZS modelderinde variatordyń qosymsha salqyndatý radiatory qarastyrylǵan. Ol avtomobildi paidalaný kezinde temperatýralyq júktemeni azaitýǵa kómektesedi.
Avtokólik tańdaýdaǵy mańyzdy artyqshylyqtardyń biri – MG usynatyn 5 jyldyq nemese 150 000 shaqyrymǵa deiingi júriske arnalǵan resmi kepildik. Óndirýshi belgilegen sharttarǵa sáikes, kepildik toraptar men agregattarǵa, sondai-aq aspa júiesiniń elementterine de qoldanylady. Bul avtomobildi satyp alý týraly sheshim qabyldaǵanda onyń bastapqy baǵasymen qatar, aldaǵy paidalaný shyǵyndaryn da eskerýge múmkindik beredi.
Foto: Allur
Qaýipsizdik – kúndelikti ómirge qajetti tehnologiialar
Qala ishinde de, tasjolda da elektrondy kómekshi júieler júrgizýshige qoldaý kórsetedi. MG ZS, MG HS jáne MG RX9 modelderinde jinaqtalymyna qarai MG Pilot kómekshi júieler kesheni qoljetimdi. Onyń quramyna adaptivti krýiz-baqylaý, jolaqta júrýdi baqylaý jáne jolaqtan shyǵyp ketýdiń aldyn alý júiesi, «soqyr aimaqtardy» baqylaý jáne soqtyǵysý qaýpi týraly eskertý fýnktsiialary kiredi.
Sholý kameralary men turaqqa qoiý datchikteri kólikti manevr jasaý kezinde basqarýdy jeńildetedi, al ISOFIX bekitkishteri balalarǵa arnalǵan avtokreslolardy ornatýǵa múmkindik beredi. Degenmen elektrondy kómekshi júieler júrgizýshiniń joldaǵy muqiiattyǵyn almastyrmaidy.
MG avtomobilderiniń qaýipsizdik deńgeii Euro NCAP táýelsiz uiymy ótkizetin apattyq synaqtardyń nátijelerimen de rastalady. Brendtiń birqatar modelderi eń joǵary baǵa – bes juldyzǵa ie bolǵan. Bul óndirýshiniń júrgizýshi men jolaýshylardyń qaýipsizdigin qamtamasyz etýge erekshe mán beretinin kórsetedi.
Kez kelgen maýsymdaǵy jailylyq
Qysta oryndyqtardy, rýl men búiir ainalardy jylytý fýnktsiialarynyń mańyzy artady. Al jazda tiimdi klimat-baqylaý júiesi erekshe qajet. MG HS jáne MG RX9 modelderinde aldyńǵy oryndyqtardy jeldetý fýnktsiiasy qarastyrylǵan. Al jeti oryndyq MG RX9 úsh aimaqty klimat-baqylaý júiesimen jabdyqtalǵan.
Uzaq jolǵa shyqqanda basqa da jailylyq faktorlary mańyzdy. Olardyń qatarynda oryndyqtardyń yńǵailylyǵy, salon keńistiginiń tiimdi uiymdastyrylýy, dybys oqshaýlaýy jáne smartfondy Apple CarPlay nemese Android Auto arqyly qosý múmkindigi bar.
Foto: Allur
Ártúrli qajettilikke sai praktikalyq qolailylyq
Zamanaýi avtomobil iesiniń ómir saltyna sai bolýy kerek. Ol kúndelikti qala ishinde qatynaýǵa da, otbasymen birge saiahattaýǵa da qolaily bolǵany mańyzdy.
MG modeldik qataryndaǵy ár avtomobildiń ózindik artyqshylyqtary bar. MG 5 manevr jasaýǵa yńǵailylyǵymen jáne kólemi 422 litr bolatyn keń júksalǵyshymen erekshelenedi. MG ZS yqsham ólshemderi men jerden biik ornalasqan shanaǵymen, al MG HS serpindi júrisi jáne keń salonymen erekshelenedi. Jeti oryndyq MG RX9 tolyq jetekti júiesimen jáne jaily saiahatqa arnalǵan múmkindikterimen nazar aýdartady.
Modelderdiń ártúrliligi kúndelikti mindetterdi oryndaýǵa da, jańa baǵyttarǵa sapar shegýge de qolaily avtomobil tańdaýǵa múmkindik beredi.
Basqarý múmkindigi – ár shaqyrymdaǵy senimdilik
Avtokólik tańdaǵanda salonda qanshalyqty jaily ekenine ǵana emes, onyń joldaǵy júrisine de mán berý kerek. Tasjoldaǵy turaqtylyǵy, júrisiniń birqalyptylyǵy jáne basqarýdyń boljamdy bolýy ár sapardan alatyn áserge tikelei yqpal etedi.
MG modelderi basqarý men jailylyqtyń úilesimdiligin qamtamasyz etetin eýropalyq shassi baptaýlarymen erekshelenedi. Sonymen qatar júrgizý rejimderin tańdaý múmkindigi avtomobildiń júris sipatyn jol jaǵdaiyna jáne júrgizýshiniń jeke qalaýyna beiimdeýge múmkindik beredi.
Foto: Allur
Ómir saltyna sai avtokólik tańdaý
MG modeldik qatarynda ártúrli qajettilikke arnalǵan avtomobilder bar. MG 5 sedany kúndelikti qatynaýǵa qolaily bolsa, yqsham MG ZS krossoveri qala ishinde júrýge jáne belsendi ómir saltyna sai keledi. MG HS keń salon men zamanaýi tehnologiialardy baǵalaityndarǵa arnalǵan. Al jeti oryndyq, tolyq jetekti MG RX9 otbasylyq saiahatqa qolaily.
Saiyp kelgende, eń jaqsy avtomobil – satyp alǵan kúni ǵana emes, arada birneshe jyl ótse de qolailylyǵyn joǵaltpaityn kólik. Buǵan kóz jetkizýdiń bir joly – MG resmi dilerinen test-draivtan ótý.
Modelder men jinaqtalymdar týraly tolyǵyraq aqparat: mg.com.kz.
Test-draivqa jazylý: 3388
