Shymkentte birinshi synyp oqýshysyna seksýaldyq sipatta tiisip, sottalǵan 36 jastaǵy muǵalimniń jazasy jeńildetildi. Endi ol 200 saǵat qoǵamdyq jumysqa tartylyp, jábirlenýshi tarapqa 6 mln teńge ótemaqy tóleýge mindetteldi, dep habarlaidy ult.kz.
KTK telearnasynyń málimetinshe, oqiǵa biyl aqpan aiynda jekemenshik mektepte bolǵan. Birinshi synypta oqityn qyz ata-anasyna tsifrlyq saýattylyq páninen sabaq beretin muǵalimniń ózine tiiskenin aitqan.
Ata-anasy mekteptegi beinebaqylaý kameralaryn teksergende, oqýshynyń sózin rastaityn jazbalar anyqtalǵan.
Bastapqyda pedagog jas balalardy azǵyndatý baby boiynsha sottalǵan. Alaida keiin is qaita qaralyp, aiyp seksýaldyq sipattaǵy tiisý babyna aýystyrylǵan. Sonyń nátijesinde jazasy jeńildetilgen.
Endi muǵalim jábirlenýshige 3 mln teńge moraldyq jáne 3 mln teńge materialdyq shyǵyn óteidi. Buǵan qosa, 200 saǵat qoǵamdyq jumys atqarýy tiis.
