«Qazaqmys» Toby taý-ken jáne metallýrgiia kásiporyndarynyń áleýmettik-turmystyq infraqurylymyn jańartý baǵdarlamasyn júzege asyrýda. Jumys aiasynda turmystyq korpýstar, jataqhanalar, ashanalar, jýynatyn bólmeler, meditsinalyq pýnktter jáne jumyskerlerdiń kúndelikti qajettiligin qamtamasyz etetin ózge de nysandar jóndelýde.
Baǵdarlama Jezqazǵan, Balqash jáne Qaraǵandy óńirlerindegi, sondai-aq Shatyrkól alańyndaǵy 90 nysandy qamtydy. Búgingi tańda 34 nysanda jóndeý aiaqtaldy, 30 nysanda qurylys-montajdaý jumysy júrgizilýde, taǵy 26 nysandy jańartýǵa daiyndyq jumysy qolǵa alyndy.
«Jezqazgan Tau-ken ondirisi» óndiristik birlestiginiń kásiporyndaryndaǵy 17 nysanda jóndeý jumysy aiaqtaldy. Atap aitqanda, Batys Jezqazǵan kenishinde 73-75-shahtanyń turmystyq korpýsy jóndelip, jyly ótkel qalpyna keltirildi, sondai-aq meditsinalyq tekserýden ótkizetin avtomattandyrylǵan júie ornatyldy. Ońtústik Jezqazǵan kenishinde ákimshilik-turmystyq korpýstyń turmystyq bólmeleri men shatyry jańartyldy. Al Jomart kenishinde turmystyq korpýstar, tereze jáne esik bloktary jóndeýden ótti.
Balqash óńirinde «Balqash Tau-ken ondirisi» óndiristik birlestiginiń 6 nysanynda jóndeý jumysy aiaqtaldy. Saiaq kenishinde «Tastaý» ashanasy, jýynatyn bólmeler men saýna jóndelip, jeldetý júiesi jańartyldy. Sondai-aq Balqashtyń óndiristik alańdarynda kiim aýystyratyn, jýynatyn bólmeler jáne ákimshilik-turmystyq úi-jailar jóndeýden ótti.
Shatyrkól alańynda ákimshilik-turmystyq jáne turǵyn úi-jailar, meditsinalyq pýnkt, kir jýatyn oryn men tamaqtaný bólmesi jańartyldy.
Qaraǵandy óńirinde «Qaragayly Tau-ken ondirisi» óndiristik birlestiginiń 6 nysanynda jóndeý jumysy aiaqtaldy. Qaraǵaily baiytý fabrikasynda ashana men jýynatyn bólme jańartyldy. Qajyqonǵan jáne Abyz kenishterinde turǵyn modýlder men óndiristik-turmystyq úi-jailar jóndeýden ótti.
«Kazakhmys Smelting» kásiporyndarynda Balqash mys balqytý zaýytynyń sanitarlyq-turmystyq úi-jailaryna jáne Jezqazǵan mys balqytý zaýytynyń balqytý tsehyndaǵy jýynatyn bólmelerge kúrdeli jóndeý júrgizildi.
Jóndeý jumysy basqa da óndiristik alańdarda jalǵasýda. Olardyń qatarynda Jomart kenishindegi 330 oryndyq jataqhana, Jezqazǵan baiytý fabrikalarynyń turmystyq korpýstary men meditsinalyq pýnkti, Nurqazǵan, Abyz jáne Saiaq kenishteriniń ákimshilik-turmystyq úi-jailary, sondai-aq baiytý fabrikalary men jóndeý bólimsheleriniń nysandary bar.
Turmystyq nysandardy jańartý jumyskerlerge aýysym kezinde qolaily jaǵdai jasaýdy kózdeidi. Bul meditsinalyq tekserýden ótý men jumysqa daiyndalýdan bastap, tamaqtaný, demalý jáne jeke gigiena talaptaryn saqtaýǵa deiingi kúndelikti qajettilikti qamtidy.
Qazaqmys úshin qaýipsiz ári laiyqty eńbek jaǵdaiyn qamtamasyz etý tek óndiristik ýchaskelermen shektelmeidi, jumyskerlerdiń kúndelikti turmystyq ortasyn da qamtidy. Baǵdarlamany iske asyrý kompaniia kásiporyndaryndaǵy áleýmettik-turmystyq nysandardyń jai-kúiin kezeń-kezeńimen jaqsartýǵa múmkindik beredi.
Foto: Qazaqmys
Foto: Qazaqmys
Foto: Qazaqmys
Foto: Qazaqmys
