«Daryn» memlekettik jastar syilyǵyn berý jónindegi konkýrstyq komissiianyń qorytyndy otyrysy ótti. Jiynǵa Qazaqstan Respýblikasynyń Mádeniet jáne aqparat ministri Arman Qyryqbaev qatysty, dep habarlaidy ult.kz vedomstvoǵa silteme jasap.
Biyl syilyqqa 504 ótinim tústi. Aldyn ala tekserý qorytyndysynda onyń 429-y konkýrstyq komissiianyń qaraýyna jiberildi.
Irikteý 10 atalym boiynsha júrgiziledi. Eń kóp ótinim «Ǵylym» – 119 jáne «Qoǵamdyq qyzmet» – 75 atalymdary boiynsha qabyldandy. «Teatr jáne kino» atalymyna – 58, «Halyq shyǵarmashylyǵy» – 43, «Klassikalyq mýzyka» – 30, «Ádebiet» – 23, «Estrada» jáne «Dizain jáne beineleý óneri» atalymdarynyń árqaisysyna 22, «Sport» – 20, «Jýrnalistika» atalymyna 17 ótinim tústi.
Komissiia quramynda Quryltai depýtattary, ortalyq memlekettik organdardyń ókilderi, ǵalymdar, mádeniet jáne óner qairatkerleri, qoǵam qairatkerleri, Qazaqstan Respýblikasy Prezidentiniń janyndaǵy Jastar saiasaty jónindegi keńestiń músheleri, kásipkerler jáne Prezidenttik jastar kadr rezerviniń ókilderi bar.
Irikteý eki kezeńnen turdy. 27-29 qazan aralyǵynda tiisti baǵyttar boiynsha alty sektsiialyq otyrys ótti. Jiyn qorytyndysy negizinde komissiianyń qorytyndy otyrysyna usynystar ázirlendi.
Komissiia jumysynyń nátijesinde on nominatsiianyń árqaisysy boiynsha eki adamnan barlyǵy 20 úmitker anyqtaldy.
Mádeniet jáne aqparat ministri Arman Qyryqbaev komissiia múshelerine atqarǵan jumysy úshin alǵys bildirdi. Ministr úmitkerlerdi ádil ári jan-jaqty baǵalaýdyń, elimizdegi talantty, bastamashyl jastardy qoldaýdyń mańyzyn atap ótti.
«Daryn» memlekettik jastar syilyǵynyń iegerlerin marapattaý rásimi 26 qarashada ótedi.
