الماتىدا بٸرنەشە پەتەر ۇرلىعىنا قاتىسى بار دەگەن كٷدٸكپەن ٷش ەر ادام ۇستالدى. ولاردى پوليتسييا قىزمەتكەرلەرٸ ارنايى جاساق ساربازدارىمەن بٸرلەسٸپ جٷرگٸزگەن وپەراتسييا بارىسىندا قولعا تٷسٸردٸ. الدىن الا مەلٸمەت بويىنشا, كٷدٸكتٸلەردٸڭ بەس ۇرلىق دەرەگٸنە قاتىسى بولۋى مٷمكٸن, دەپ حابارلايدى ult.kz.
قالالىق پوليتسييا دەپارتامەنتٸنٸڭ مەلٸمەتٸنشە, كٷدٸكتٸلەر الماتىعا ارنايى كەلٸپ, پەتەرلەردٸ توناعان سوڭ قالادان كەتٸپ وتىرعان. وسىلايشا, ولار ٸزدەرٸن جاسىرۋعا تىرىسقان.
ارنايى وپەراتسييا كەزٸندە ٷش ەر ادام دا ۇستالدى. كەيٸنگٸ تەرگەۋ امالدارى بارىسىندا پوليتسەيلەر ۇرلانعان زاتتاردى تەركٸلەدٸ. قازٸر كٷدٸكتٸلەر قاماۋعا الىنعان.
جەدەل ۋەكٸلدەر ۇستالعانداردىڭ ٶزگە دە پەتەر ۇرلىقتارىنا قاتىسى بار-جوعىن تەكسەرٸپ جاتىر. پوليتسييا قىلمىستىق ەپيزودتار سانى ارتۋى مٷمكٸن ەكەنٸن جوققا شىعارمايدى.
