الماتىدا جاڭا جىل مەرەكەسٸنە دايىندىق باستالدى. بيىل قالانى مەرەكەلٸك بەزەندٸرۋگە, اباي الاڭىنا الىپ شىرشا ورناتۋعا, كونتسەرت ۇيىمداستىرۋعا جەنە كٶشەلەردٸ جارىقتاندىرۋعا بيۋدجەتتەن 512,3 ملن تەڭگەدەن استام قاراجات بٶلۋ جوسپارلانىپ وتىر. بۇل تۋرالى مەملەكەتتٸك ساتىپ الۋ پورتالىندا جارييالانعان لوتتاردان بەلگٸلٸ بولدى, دەپ حابارلايدى ult.kz.
شىعىننىڭ باسىم بٶلٸگٸ اباي الاڭىن بەزەندٸرۋگە باعىتتالماق. الماتى قالالىق مەدەنيەت باسقارماسىنا قاراستى «الماتى ەۋەندەرٸ» كمقك بۇل ماقساتقا جالپى سوماسى 288,7 ملن تەڭگەنٸ قۇرايتىن تٶرت لوت جارييالاعان.
تەحنيكالىق قۇجاتتاماعا سەيكەس, الاڭعا بيٸكتٸگٸ كەمٸندە 13 مەتر بولاتىن ٷش قاباتتى جاڭاجىلدىق شىرشا ورناتىلادى. ونىڭ بٸر قاباتى اينالىپ تۇرۋى تيٸس. شىرشانى دايىنداۋ جەنە ورناتۋ جۇمىستارىنا 74,9 ملن تەڭگە قاراستىرىلعان.
ال 79,4 ملن تەڭگەگە 20 ساۋدا ٷيشٸگٸ مەن شاعىن سەۋلەت نىساندارى ورناتىلماق. ولاردىڭ اراسىندا «2027» دەگەن جارىقديودتى كومپوزيتسييا, شابادان, رەتروتەلەفون, ەۋە شارى جەنە راديوقابىلداعىش ٷلگٸسٸندەگٸ فوتوايماقتار بار.
بۇدان بٶلەك, سىيلىق, گراموفون, تەلەفون بۋدكاسى مەن تەتتٸلەر تٷرٸندەگٸ تاقىرىپتىق ينستاللياتسييالارعا 64,9 ملن تەڭگە جۇمساۋ كٶزدەلگەن. تاعى 69,4 ملن تەڭگە اباي الاڭى مەن رەسپۋبليكا سارايىنىڭ ماڭىنداعى كەمٸندە 100 اعاشتى جارىقپەن بەزەندٸرۋگە, فونتانداردى جابۋعا جەنە دەكوراتيۆتٸ ەلەمەنتتەر ورناتۋعا باعىتتالادى.
مەرەكەلٸك كٶڭٸل كٷي سىيلايتىن كونتسەرتتٸك باعدارلاما دا ارزانعا تٷسپەك ەمەس. ساحنانى تەحنيكالىق جابدىقتاۋ مەن كونتسەرت ٶتكٸزۋگە جالپى 138,9 ملن تەڭگە قاراستىرىلعان.
ونىڭ 69,4 ملن تەڭگەسٸ ساحنا, دىبىس جەنە جارىق جابدىقتارىن, التى جارىق مۇناراسىن ورناتۋعا ەرٸ ٷش كٷن بويى تەحنيكالىق سٷيەمەلدەۋگە جۇمسالماق.
قالعان 69,4 ملن تەڭگە كونتسەرتتٸك باعدارلامانى ۇيىمداستىرۋعا ارنالعان. جوسپار بويىنشا, ٷش كٷننٸڭ ەرقايسىسىندا كەمٸندە بەس تانىمال ەسترادا ەنشٸسٸ, بي جەنە بالالار شىعارماشىلىق ۇجىمدارى ٶنەر كٶرسەتەدٸ. سونىمەن قاتار اياز اتا مەن اقشاقاردىڭ قاتىسۋىمەن تەاترلاندىرىلعان قويىلىم قويىلىپ, قازاق جەنە ورىس تٸلدەرٸندە جٷرگٸزۋشٸلەر جۇمىس ٸستەيدٸ.
قالا كٶشەلەرٸ دە مەرەكەلٸك بەزەندٸرۋدەن تىس قالمايدى. الماتى مەدەنيەت باسقارماسى 320 قوس قىرلى جارىقديودتى كونسترۋكتسييانى دايىنداپ, ورناتۋعا 84,8 ملن تەڭگە قاراستىرعان.
وسىلايشا, مەملەكەتتٸك ساتىپ الۋ پورتالىندا جارييالانعان لوتتار بويىنشا الماتىنىڭ جاڭاجىلدىق بەزەندٸرٸلۋٸ مەن مەرەكەلٸك ٸس-شارالارىنا 512,3 ملن تەڭگەدەن استام قاراجات جۇمساۋ جوسپارلانىپ وتىر. بۇل ەزٸرگە جارييالانعان ساتىپ الۋلاردىڭ سوماسى عانا. الداعى ۋاقىتتا قوسىمشا لوتتار پايدا بولسا, جالپى شىعىن كٶلەمٸ بۇدان دا ارتۋى مٷمكٸن.
