ماڭعىستاۋ وبلىسىندا وقۋ-جاتتىعۋ كەزٸندە 14 ەسكەري قىزمەتشٸنٸڭ قازا تابۋىنا قاتىستى تەرگەۋ اياقتالۋعا جاقىن. قىلمىستىق ٸس اياسىندا 300-دەن استام ادامنان جاۋاپ الىنىپ, 30-دان استام ساراپتاما جٷرگٸزٸلدٸ, دەپ حابارلايدى ult.kz.
باس پروكۋراتۋرانىڭ مەلٸمەتٸنشە, جاقىن ارادا تەرگەۋ ەرەكەتتەرٸ اياقتالىپ, قاتىسۋشىلار ٸس ماتەريالدارىمەن تانىستىرىلادى. تەرگەۋ بارىسى ۆەدومستۆونىڭ ەرەكشە باقىلاۋىندا.
ەسكە سالايىق, 24 قىركٷيەكتە كاسپيي تەڭٸزٸندەگٸ ەسكەري وقۋ-جاتتىعۋ كەزٸندە اۋا رايىنىڭ كٷرت ناشارلاپ, جەلدٸڭ كٷشەيۋٸنەن 14 ەسكەري قىزمەتشٸ قازا تاپقان. تاعى ٷشەۋٸ قۇتقارىلدى.
قايعىلى وقيعاعا بايلانىستى قىزمەتكە سالعىرت قارادى جەنە كەمە جٷرگٸزۋ قاعيدالارىن بۇزدى دەگەن كٷدٸكپەن قارۋلى كٷشتەردٸڭ ەسكەري-تەڭٸز كٷشتەرٸندەگٸ جوعارى لاۋازىمدى تۇلعالاردى قوسا العاندا, سەگٸز ادام قاماۋعا الىنعان.
