جامبىل وبلىسىندا قازا تاپقان 19 جاستاعى مادينا راشيدقىزىنىڭ دەنەسٸ تۋىستارىنىڭ تالابى بويىنشا قايتا قازىپ الىندى. مارقۇمنىڭ جاقىندارى العاشقى سوت-مەديتسينالىق ساراپتامانىڭ قورىتىندىسىنا سەنبەيدٸ, دەپ حابارلايدى ult.kz.
ەكسگۋماتسييا جٷرگٸزٸلگەنٸ تۋرالى زاڭگەر ينگا يمانباي مەن جۋرناليست جان احماديەۆ ەلەۋمەتتٸك جەلٸدەگٸ پاراقشالارىندا حابارلادى.
زاڭگەردٸڭ ايتۋىنشا, جەبٸرلەنۋشٸ تاراپ الماتىدا قايتالاما كوميسسييالىق سوت-مەديتسينالىق ساراپتاما جٷرگٸزۋدٸ تالاپ ەتكەن. وسىعان بايلانىستى ەكسگۋماتسييا جاسالعان.
مارقۇمنىڭ تۋىستارى ونىڭ ٶزٸنە قول جۇمساعانىنا كٷمەن كەلتٸرەدٸ.
جامبىل وبلىسىنىڭ پوليتسييا دەپارتامەنتٸ بۇل دەرەك بويىنشا قىلمىستىق كودەكستٸڭ 105-بابى («ٶزٸن-ٶزٸ ٶلتٸرۋگە دەيٸن جەتكٸزۋ») بويىنشا سوتقا دەيٸنگٸ تەرگەۋ جٷرٸپ جاتقانىن راستادى.
ەسكە سالايىق, بيىل تامىزدا جامبىل وبلىسىندا 19 جاستاعى جاس انا قازا تاپقان ەدٸ. ونىڭ ارتىندا سەگٸز ايلىق سەبيٸ قالعان.
