Жамбыл облысында қаза тапқан 19 жастағы Мадина Рашидқызының денесі туыстарының талабы бойынша қайта қазып алынды. Марқұмның жақындары алғашқы сот-медициналық сараптаманың қорытындысына сенбейді, деп хабарлайды ult.kz.
Эксгумация жүргізілгені туралы заңгер Инга Иманбай мен журналист Жан Ахмадиев әлеуметтік желідегі парақшаларында хабарлады.
Заңгердің айтуынша, жәбірленуші тарап Алматыда қайталама комиссиялық сот-медициналық сараптама жүргізуді талап еткен. Осыған байланысты эксгумация жасалған.
Марқұмның туыстары оның өзіне қол жұмсағанына күмән келтіреді.
Жамбыл облысының полиция департаменті бұл дерек бойынша Қылмыстық кодекстің 105-бабы («Өзін-өзі өлтіруге дейін жеткізу») бойынша сотқа дейінгі тергеу жүріп жатқанын растады.
Еске салайық, биыл тамызда Жамбыл облысында 19 жастағы жас ана қаза тапқан еді. Оның артында сегіз айлық сәбиі қалған.
