Qazaqstan men Qytai arasyndaǵy áýe qatynasy keńeiedi. Eki el aptalyq reister sanyn 180-ge deiin arttyryp, marshrýttyq jelige Qytaidyń taǵy eki qalasy – Chendý men Qashǵardy qosýǵa kelisti. Bul týraly Kólik ministrligi habarlady, dep habarlaidy ult.kz.
Kelissózder 4 qarashada Tashkentte ótip jatqan «Qytai – Ortalyq Aziia» azamattyq aviatsiia salasyndaǵy konferentsiiasy aiasynda uiymdastyryldy.
Qazaqstan delegatsiiasyn Azamattyq aviatsiia komitetiniń tóraǵasy Saltanat Tompieva basqarsa, Qytai tarapynan Azamattyq aviatsiia ákimshiligi bas direktorynyń orynbasary Bai Venli qatysty.
Kezdesý barysynda taraptar eki el arasyndaǵy turaqty reister sanyn kóbeitý jáne jańa baǵyttardy ashý máselelerin talqylady.
Nátijesinde aptalyq áýe reisteriniń ruqsat etilgen sany 150-den 180-ge deiin ulǵaitylmaq. Sonymen qatar Qytaidyń Chendý jáne Qashǵar qalalary jańa baǵyttar tizimine engiziledi.
Vedomstvonyń málimetinshe, bul kelisim tikelei reisterdiń qoljetimdiligin arttyryp, jolaýshylarǵa qolaily jaǵdai jasaýǵa jáne eki el arasyndaǵy týristik, iskerlik bailanystardy damytýǵa múmkindik beredi.
