Almatynyń Áýezov aýdanynda shaqyrtýǵa barǵan politseige kúsh kórsetken er adam ustaldy. Oqiǵaǵa qatysty qylmystyq is qozǵaldy, dep habarlaidy ult.kz.
Aldyn ala málimet boiynsha, «Ótegen» turǵyn úi keshenindegi jaldamaly páterde turatyn adamdardyń janjalyna bailanysty OSI tóraǵasy politsiia shaqyrǵan.
Oqiǵa ornyna kelgen patrýldik politsiia qyzmetkerleri janjaldy toqtatýǵa tyrysqan. Alaida er adam tártip saqshylarynyń zańdy talabyna baǵynbai, politseilerdiń biriniń basynan uryp, bas kiimin túsirip jibergen.
Qalalyq Politsiia departamentiniń málimetinshe, kúdikti ustalyp, ýaqytsha ustaý izoliatoryna qamaldy. Qazir oqiǵanyń mán-jaiy anyqtalyp jatyr.
