الماتى وبلىسىندا شەتەلدٸك كومپانيياعا 1,1 ملن ەۋرو اۋدارىپ, بەلگٸلەنگەن مەرزٸمدە قاراجاتتى قايتارماعان قازاقستاندىق جشس سوت الدىندا جاۋاپ بەردٸ. سوت شەشٸمٸمەن سەرٸكتەستٸككە 119,8 ملن تەڭگە ايىپپۇل سالىندى, دەپ حابارلايدى ult.kz.
سوتتىڭ باسپاسٶز قىزمەتٸنٸڭ مەلٸمەتٸنشە, قازاقستاندىق سەرٸكتەستٸك شەتەلدٸك كومپانييامەن جالپى قۇنى 1 870 580 ەۋرو بولاتىن جابدىقتاردى دايىنداۋ جەنە جەتكٸزۋ تۋرالى كەلٸسٸمشارت جاساسقان. كەلٸسٸمشارت اياسىندا شەتەلدٸك كومپانيياعا ٷش كەزەڭمەن 1,1 ملن ەۋرو, ياعني 559,1 ملن تەڭگە اۋدارىلعان.
الايدا تاپسىرىس بەرٸلگەن جابدىقتار بەلگٸلەنگەن ۋاقىتتا جەتكٸزٸلمەگەن. ال شەتەلگە اۋدارىلعان قاراجاتتى ەلگە قايتارۋ مەرزٸمٸ 2026 جىلعى 30 شٸلدەدە اياقتالعان. سوعان قاراماستان اقشا قازاقستانعا قايتارىلماعان.
تەكسەرۋ بارىسىندا سەرٸكتەستٸكتٸڭ ۇلتتىق جەنە شەتەل ۆاليۋتاسىن بەلگٸلەنگەن مەرزٸمدە ەلگە قايتارۋ تالابىن ورىنداماعانى انىقتالعان. وسىعان بايلانىستى كومپانييا ەكٸمشٸلٸك جاۋاپكەرشٸلٸككە تارتىلدى.
تالعار اۋداندىق سوتى جشس-گە رەپاترياتسييالانۋعا تيٸس قاراجاتتىڭ 20 پايىزى مٶلشەرٸندە, ياعني 119 829 600 تەڭگە ايىپپۇل سالۋ تۋرالى شەشٸم شىعاردى.
كومپانييا بۇل شەشٸممەن كەلٸسپەي, اپەللياتسييالىق شاعىم تٷسٸرگەن. الايدا سوت القاسى ٸستٸڭ ماتەريالدارىن قايتا قاراپ, بٸرٸنشٸ ساتىداعى سوت قاۋلىسىن ٶزگەرتۋگە نەگٸز تاپپاعان.
نەتيجەسٸندە اۋداندىق سوتتىڭ شەشٸمٸ كٷشٸندە قالدى, ال كومپانييانىڭ اپەللياتسييالىق شاعىمى قاناعاتتاندىرىلمادى.
