Dziýdodan Qazaqstan quramasynyń ókili Fatima Supyǵalieva Dakarda (Senegal) ótip jatqan jasóspirimder Olimpiadasynda altyn medal jeńip aldy, dep habarlaidy ult.kz.
52 kelige deiingi salmaq dárejesinde synǵa túsken otandasymyz finalda Portýgaliia ókili Sofiia Gasparmen kezdesti.
Nátijesinde Supyǵalieva ipponmen merziminen buryn jeńiske jetti. Aqtyq beldesý 2 minýt 33 sekýndta aiaqtaldy.
Osylaisha Fatima Dakardaǵy Olimpiadada ulttyq qurama qorjynyna alǵashqy altyn medaldi saldy.
Fatima buǵan deiin shirek finalda Kosta-Rika ókili Himena Morales Gamboany ipponmen jeńse, jartylai finalda slovakiialyq Viven Vadovitsovadan basym tústi.
Aita keteiik, tamyz aiynda Ekvadorda ótken jasóspirimder arasyndaǵy álem chempionatynda Fatima Supyǵalieva qarsylas shaq keltirmei, chempion atanǵan bolatyn.
