1 qarashada qazaqstandyq balýan Nurqoja Qaipanov Astanada ótip jatqan erkin kúresten 2026 jylǵy álem chempionatynyń finalynda beldesedi. Onyń qarsylasy - reseilik Inalbek Sheriev, - dep habarlaidy Tengri Sport-qa silteme jasap ult.kz.
Beldesý 74 kelige deiingi salmaq dárejesinde ótedi. Kezdesý Qazaqstan ýaqytymen saǵat 18:59-da bastalady dep josparlanǵan.
Ony "Qazsport" telearnasynan tikelei efirde kórýge bolady. Sondai-aq, jarys telearnanyń resmi saitynda kórsetiledi.
Qaipanov finalǵa qalai jetti?
Qazaqstandyq balýan álem chempionatynyń finalyna deiin tórt qarsylasyn jeńdi.
Ol Kosovo ókili Egzon Djonidi 10:0, ázerbaijandyq Týran Bairamovty 4:0, tájikstandyq Viktor Rassadindi 11:0 jáne japoniialyq Iosinosýke Aoiagidi 3:1 esebimen utty.
Aita keteiik, Nurqoja Qaipanov - 2024 jylǵy álem chempiony. Sondai-aq, ol 2019 jylǵy álem birinshiliginde kúmis, 2025 jyly qola júldege ie bolǵan.
Budan bólek, qazaqstandyq balýan 2019, 2021 jáne 2025 jyldary Aziia chempiony atanǵan.
Astanadaǵy kúresten álem chempionaty: Qazaqstan alǵash ret finalǵa shyqty
Eske salaiyq, kúres túrlerinen álem chempionaty Astanada 24 qazanda bastalyp, 1 qarashada aiaqtalady.
Qazir Qazaqstan quramasynyń qorjynynda grek-rim kúresinen úsh qola, al áielder kúresinen bir qola medal bar.
Buǵan deiin erkin kúresten Qazaqstan tarihyndaǵy tuńǵysh álem chempiony Rizabek Aitmuhan jarystyń alǵashqy beldesýinde eki dúrkin Olimpiada chempiony Abdýlrashid Sadýlaevtan jeńilgen edi.
Keiin reseilik balýan da altyn medal úshin talastan shyǵyp qaldy. Ol Olimpiada chempiony, amerikalyq Kail Snaiderge ese jiberdi.
Keshe Rizabek Aitmuhannyń Astanadaǵy álem chempionatynan keiin tizesine ota jasatqany belgili boldy.
