Shymkenttik «Ordabasy» fýtbol klýby Qazaqstan kýbogynyń iegeri atandy. Finalda qyzylordalyq «Qaisardy» 4:1 esebimen iri jeńiliske ushyratty, dep habarlaidy ult.kz.
Sheshýshi kezdesý «Túrkistan Arena» stadionynda ótti. Jeńimpaz komanda sapynan Sultanbek Astanov, Elhan Astanov, Born Ionsen jáne David Abagna gol soqty. Al «Qaisardyń» jalǵyz golyn Agostiniý Azevedý óz enshisine jazdy.
Bul - «Ordabasy» klýbynyń tarihyndaǵy Qazaqstan kýbogynyń úshinshi jeńisi. Sonymen qatar Andrei Martin jattyqtyratyn shymkenttik komanda buǵan deiin Qazaqstan Premer-ligasynyń chempiony atanǵan bolatyn. Osylaisha, klýb bir maýsymda el chempionaty men Qazaqstan kýbogyn jeńip alyp, «altyn dýbl» jasady.
Qazaqstan kýbogynyń finaldyq kezdesýi eldegi fýtbol maýsymynyń resmi túrde aiaqtalǵanyn bildirdi.
