Astanada bir top jekemenshik balalar ortalyǵynyń ókilderi Face ID tehnologiiasyn engizýge qarsylyq bildirip, ákimdik aldynda narazylyq aktsiiasyn ótkizdi. Bul jaǵdaiǵa qatysty qoǵam belsendisi Sábit Rysbaev Facebook paraqshasynda pikir bildirdi. Onyń aitýynsha, balalardyń qosymsha bilim alýyna bólinetin biýdjet qarajatynyń tiimdi ári ashyq jumsalýyn baqylaý úshin elektrondy esepke alý júiesin engizý qajet. Avtor jekemenshik ortalyqtardyń bul bastamaǵa qarsylyǵynyń sebebine kúmán keltirip, máseleniń mánine toqtalǵan, dep habarlaidy ult.kz.
"Keshe bir top jekemenshik balalar ortalyǵynyń ókili Astana ákimshiliginiń aldynda kishigirim piket jasapty. Sebebi ne deisiz ǵoi? Ortalyqtarǵa Face ID tehnologiiasyn engizýge qarsylyq bildirgen. Endi zańdy suraq týyndaidy. Jekemenshik ortalyqtar nelikten Face ID-ǵa, iaǵni tsifrlandyrýǵa qarsy?
Menińshe jaýaby anyq. Tsifrlandyrý memleketten bólingen qarajattyń jelge ushpaǵanyn, naqty kádege asqanyn tekserý úshin qajet. Iaǵni Face ID arqyly ortalyqqa naqty qansha bala kelgenin, úiirmelerge qanshaýy qatysqanyn bilýge bolady. Mundai jaǵdaida jekemenshik ortalyqtar balalardyń sanyn kópe-kórneý ulǵaityp kórsete almaidy. Sóitip, jeńil aqshadan qaǵylady.
Máseleniń máni bylai. Byltyr QOSYMSHA.KZ baǵdarlamasy iske qosyldy. Sol arqyly balalardyń túrli úiirmelerge, shyǵarmashylyq stýdiialar men sport sektsiialaryna memleket esebinen qatysýyna jaǵdai jasalǵan. Ákimdik endi sol bólingen qarajattyń tiimdi jumsalǵanyn anyqtaýdy kózdeidi. Sondyqtan balalardyń kelgen-kelmegenin tekserý úshin QR-kod pen Face ID siiaqty elektrondy esepke alý tetikterin engizbek. Qysqasy, túpki maqsat biýdjet qarajatynyń ashyqtyǵyn qamtamasyz etý.
Al Face ID júiesiniń ózi buǵan deiin pilottyq rejimde synaqtan ótip, tekserilgen. Iaǵni derekterdiń qoldy bolýy sekildi áńgime bolýy múmkin emes. Balalar da, ata-analar da shaǵymdanyp jatqan joq. «Sezikti buryn sekiredi» deýshi edi. Jekemenshik ortalyqtardyń shý shyǵarǵanyna qaraǵanda, túsiniksiz.
Ózińiz elestetip qarańyzshy. Memleket balalardyń qosymsha bilim alýyna qarjy bólip otyr. Jekemenshik ortalyqtar sol arqyly tabys tabady. Alaida memleket qarajattyń qalai jumsalǵanyn teksergisi kelse, qarsylyq bildiredi. Muny qalai túsinýge bolady?" - dep jazady Sábit Rysbaev
