استانادا بٸر توپ جەكەمەنشٸك بالالار ورتالىعىنىڭ ٶكٸلدەرٸ Face ID تەحنولوگيياسىن ەنگٸزۋگە قارسىلىق بٸلدٸرٸپ, ەكٸمدٸك الدىندا نارازىلىق اكتسيياسىن ٶتكٸزدٸ. بۇل جاعدايعا قاتىستى قوعام بەلسەندٸسٸ سەبيت رىسباەۆ Facebook پاراقشاسىندا پٸكٸر بٸلدٸردٸ. ونىڭ ايتۋىنشا, بالالاردىڭ قوسىمشا بٸلٸم الۋىنا بٶلٸنەتٸن بيۋدجەت قاراجاتىنىڭ تيٸمدٸ ەرٸ اشىق جۇمسالۋىن باقىلاۋ ٷشٸن ەلەكتروندى ەسەپكە الۋ جٷيەسٸن ەنگٸزۋ قاجەت. اۆتور جەكەمەنشٸك ورتالىقتاردىڭ بۇل باستاماعا قارسىلىعىنىڭ سەبەبٸنە كٷمەن كەلتٸرٸپ, مەسەلەنٸڭ مەنٸنە توقتالعان, دەپ حابارلايدى ult.kz.
"كەشە بٸر توپ جەكەمەنشٸك بالالار ورتالىعىنىڭ ٶكٸلٸ استانا ەكٸمشٸلٸگٸنٸڭ الدىندا كٸشٸگٸرٸم پيكەت جاساپتى. سەبەبٸ نە دەيسٸز عوي? ورتالىقتارعا Face ID تەحنولوگيياسىن ەنگٸزۋگە قارسىلىق بٸلدٸرگەن. ەندٸ زاڭدى سۇراق تۋىندايدى. جەكەمەنشٸك ورتالىقتار نەلٸكتەن Face ID-عا, ياعني تسيفرلاندىرۋعا قارسى?
مەنٸڭشە جاۋابى انىق. تسيفرلاندىرۋ مەملەكەتتەن بٶلٸنگەن قاراجاتتىڭ جەلگە ۇشپاعانىن, ناقتى كەدەگە اسقانىن تەكسەرۋ ٷشٸن قاجەت. ياعني Face ID ارقىلى ورتالىققا ناقتى قانشا بالا كەلگەنٸن, ٷيٸرمەلەرگە قانشاۋى قاتىسقانىن بٸلۋگە بولادى. مۇنداي جاعدايدا جەكەمەنشٸك ورتالىقتار بالالاردىڭ سانىن كٶپە-كٶرنەۋ ۇلعايتىپ كٶرسەتە المايدى. سٶيتٸپ, جەڭٸل اقشادان قاعىلادى.
مەسەلەنٸڭ مەنٸ بىلاي. بىلتىر QOSYMSHA.KZ باعدارلاماسى ٸسكە قوسىلدى. سول ارقىلى بالالاردىڭ تٷرلٸ ٷيٸرمەلەرگە, شىعارماشىلىق ستۋدييالار مەن سپورت سەكتسييالارىنا مەملەكەت ەسەبٸنەن قاتىسۋىنا جاعداي جاسالعان. ەكٸمدٸك ەندٸ سول بٶلٸنگەن قاراجاتتىڭ تيٸمدٸ جۇمسالعانىن انىقتاۋدى كٶزدەيدٸ. سوندىقتان بالالاردىڭ كەلگەن-كەلمەگەنٸن تەكسەرۋ ٷشٸن QR-كود پەن Face ID سيياقتى ەلەكتروندى ەسەپكە الۋ تەتٸكتەرٸن ەنگٸزبەك. قىسقاسى, تٷپكٸ ماقسات بيۋدجەت قاراجاتىنىڭ اشىقتىعىن قامتاماسىز ەتۋ.
ال Face ID جٷيەسٸنٸڭ ٶزٸ بۇعان دەيٸن پيلوتتىق رەجيمدە سىناقتان ٶتٸپ, تەكسەرٸلگەن. ياعني دەرەكتەردٸڭ قولدى بولۋى سەكٸلدٸ ەڭگٸمە بولۋى مٷمكٸن ەمەس. بالالار دا, اتا-انالار دا شاعىمدانىپ جاتقان جوق. «سەزٸكتٸ بۇرىن سەكٸرەدٸ» دەۋشٸ ەدٸ. جەكەمەنشٸك ورتالىقتاردىڭ شۋ شىعارعانىنا قاراعاندا, تٷسٸنٸكسٸز.
ٶزٸڭٸز ەلەستەتٸپ قاراڭىزشى. مەملەكەت بالالاردىڭ قوسىمشا بٸلٸم الۋىنا قارجى بٶلٸپ وتىر. جەكەمەنشٸك ورتالىقتار سول ارقىلى تابىس تابادى. الايدا مەملەكەت قاراجاتتىڭ قالاي جۇمسالعانىن تەكسەرگٸسٸ كەلسە, قارسىلىق بٸلدٸرەدٸ. مۇنى قالاي تٷسٸنۋگە بولادى?" - دەپ جازادى سەبيت رىسباەۆ
