جامبىل وبلىسىنىڭ مەركٸ اۋدانىندا قايتىس بولعان 19 جاستاعى مادينا راشيدقىزىنىڭ دەنەسٸنە ەكسگۋماتسييا جاسالدى. مارقۇمنىڭ جاقىندارى العاشقى ساراپتامانىڭ قورىتىندىسىنا سەنبەيتٸنٸن ايتىپ, قايتا زەرتتەۋ جٷرگٸزۋدٸ سۇراعان, دەپ حابارلايدى ult.kz.

زاڭگەر ينگا يمانبايدىڭ مەلٸمەتٸنشە, ەكسگۋماتسييا جەبٸرلەنۋشٸ تاراپتىڭ ٶتٸنٸشٸ بويىنشا جٷرگٸزٸلگەن. ٸس اياسىندا الماتىدا قايتالاما كوميسسييالىق سوت-مەديتسينالىق ساراپتاما تاعايىندالعان. رەسٸمگە پوليتسييا قىزمەتكەرلەرٸ مەن تيٸستٸ ماماندار قاتىسقان.

مادينانىڭ ٶلٸمٸنە قاتىستى مەسەلەنٸ كٶتەرٸپ جٷرگەن جۋرناليست ەرٸ بلوگەر جان احماديەۆ تە ەكسگۋماتسييا جاسالعانىن حابارلاپ, مارقۇمنىڭ وتباسىنا قولداۋ بٸلدٸردٸ.

“بٷگٸن مادينا قارىنداسىمىزعا ەكسگۋماتسييا جاسالدى. بۇل — ونىڭ وتباسى ٷشٸن عانا ەمەس, قايعىسىنا ورتاقتاسقان بارشا قازاق ەلٸ ٷشٸن اۋىر كٷن… جاقىندارىنا بۇل سەتتٸڭ قانشالىقتى قيىن ەكەنٸن تٷسٸنەمٸز. قايعىلارىنا ورتاقتاسىپ, سابىر مەن كٷش تٸلەيمٸز”, – دەپ جازدى ول.

جۋرناليست ٸستٸڭ اقيقاتى انىقتالىپ, مارقۇمنىڭ جاقىندارىن تولعاندىرعان سۇراقتارعا جاۋاپ تابىلۋىن تٸلەيتٸنٸن جەتكٸزدٸ.

“بار تٸلەگٸمٸز — اقيقات انىقتالىپ, كٶكەيدەگٸ سۇراقتارعا جاۋاپ تابىلسىن, ەدٸلدٸك ورناسىن”, – دەدٸ جان احماديەۆ.

ايتا كەتەيٸك, جان احماديەۆ مەركٸدە كٶز جۇمعان كەلٸنشەك تۋرالى تىڭ دەرەك ايتتى.

نە جاعداي بولدى? 
 

ەسكە سالايىق, مادينا راشيدقىزى جامبىل وبلىسىنىڭ مەركٸ اۋدانىندا 19 جاسىندا كٶز جۇمعان. قايتىس بولعان كەزدە ارتىندا سەگٸز ايلىق سەبيٸ قالعان. مارقۇمنىڭ قۇربىسى ونىڭ وتباسىنداعى جانجالدارعا شاعىمدانىپ, كٷيەۋٸنەن كەتكٸسٸ كەلگەنٸن ايتقان. بۇل مەلٸمدەمەلەر تەرگەۋ بارىسىندا تەكسەرٸلۋگە تيٸس. 

جامبىل وبلىستىق پوليتسييا دەپارتامەنتٸنٸڭ مەلٸمەتٸنە سەيكەس, وقيعا بويىنشا ٶزٸن-ٶزٸ ٶلتٸرۋگە دەيٸن جەتكٸزۋ دەرەگٸمەن سوتقا دەيٸنگٸ تەرگەۋ جٷرٸپ جاتىر.
 

مارقۇمنىڭ كٷيەۋٸ ٸس بويىنشا قورعالۋعا قۇقىعى بار كۋە مەرتەبەسٸندە. قايتالاما ساراپتامانىڭ نەتيجەسٸ ەزٸرگە جارييالانعان جوق.