سوتتا «قازترانسگاز ٶنٸمدەرٸ» اق-نىڭ بۇرىنعى باس ديرەكتورى ەلٸك اشيروۆ جاۋاپ بەردٸ. ول قورعاۋ تاراپىنىڭ ٶتٸنٸشٸمەن كۋەگەر رەتٸندە شاقىرىلعانىمەن, ونىڭ جاۋاپتارى مەملەكەتتٸك ايىپتاۋ تاراپىنىڭ نۇسقاسىن راستاپ وتىر.
اشيروۆ سوتتالۋشىنىڭ جيەنٸ مادييار قالمەنوۆتٸ تانىمايتىنىن ايتتى. ال اۆتوشەرۋ ۇيىمداستىرۋعا بٶلٸنگەن ونداعان ميلليون تەڭگە قالمەنوۆكە تيەسٸلٸ «BM Trust» كومپانيياسى ارقىلى شىعارىلعانى ايتىلىپ وتىر. كۋەگەر كەرٸسٸنشە جۇلدىز ارتىقباەۆانى تانيتىنىن جەتكٸزدٸ. جوباعا قاتىستى جۇمىس كەڭەستەرٸنە قانداي مەردٸگەر كومپانييالار قاتىسقانى جٶنٸندەگٸ ادۆوكاتتىڭ تٸكەلەي سۇراعىنا اشيروۆ تەك ارتىقباەۆانىڭ كومپانيياسى عانا قاتىسقانىن ايتتى. ونىڭ ٷستٸنە, اتالعان كومپانييا جينالعاندارعا باس ۇيىمداستىرۋشى رەتٸندە تانىستىرىلعان ەكەن.
مەردٸگەرلەردٸڭ قىزمەتٸن تٸكەلەي بوقاەۆتىڭ باقىلاعانىن ەۋە بيلەتتەر مەن قوناقٷي قىزمەتتەرٸن ۇسىنعان «Business Travel Management» جشس-نىڭ بۇرىنعى ديرەكتورى ەزيز عازيەۆ تە كۋەگەر رەتٸندە راستادى. ول سوتتا كورپوراتيۆتٸك ەۋە ساپارلارىنا ارنالعان كومپانييانىڭ باعدارلامالىق قامتاماسىز ەتۋدٸ ۇسىنعان تانىستىرىلىمنىڭ بوقاەۆتىڭ جەكە ٶزٸنە ۇيىمداستىرىلعانىن ايتتى. سەبەبٸ عازيەۆكە «قازترانسگازدا» مۇنداي مەسەلەلەردٸڭ بارلىعى بويىنشا شەشٸمدٸ دەل وسى بۇرىنعى كەڭەسشٸ قابىلدايتىنى ناقتى تٷسٸندٸرٸلگەن.
بوقاەۆتىڭ بۇرىنعى ەرٸپتەستەرٸنٸڭ جاۋاپتارى ونىڭ تۋىستارىنا تيەسٸلٸ كومپانييانىڭ «فورمالدى» رٶل اتقارعانىن جەنە بيۋدجەت قاراجاتىنىڭ جۇمسالۋىن بوقاەۆتىڭ ٶزٸ باقىلاعانىن ايقىنداي باستاعاندا قورعاۋشىلار ٶزدەرٸنە ٷيرەنشٸكتٸ سارىنعا باسىپ, پروتسەستٸ سوزىپ, ٸستٸڭ مەن-جايىن باسقا ارناعا بۇرۋ تاكتيكاسىن قولداندى.
مەملەكەتتٸك ايىپتاۋ تاراپى الماتىداعى «Ramada» قوناقٷيٸن باسقاراتىن «Salem hotel management» جشس باسشىسى س. بابەلدٸ سوتقا شاقىردى. كۋەگەر 2018 جىلى كونفەرەنتسييا قاتىسۋشىلارىن تاماقتاندىرۋ مەن ورنالاستىرۋ شىعىندارىن تولىعىمەن «We Can» جشس تٶلەگەنٸن راستادى. بۇل تٷبٸرتەكتەر بوقاەۆتىڭ بارلىق شىعىندى جيەنٸ تٶلەگەن دەگەن نۇسقاسىنا تاعى دا قايشى كەلەتٸنٸن تٷسٸنگەن قورعاۋشىلار سوت تالقىلاۋىنىڭ نەگٸزگٸ تاقىرىبىنان اۋىتقيتىن سۇراقتار قويا باستادى.
تٶلەم سومالارى مەن قارجىلىق وپەراتسييالاردى تالقىلاۋدىڭ ورنىنا, ادۆوكاتتاردى قوناقٷيدٸڭ نەشە جۇلدىزدى جەنە عيماراتتىڭ قانشا قاباتتى ەكەنٸ, سونداي-اق اسحانا زالىنا قانشا ادام سىياتىنى, تاڭعى استىڭ تۇرۋ اقىسىنا كٸرەتٸنٸ-كٸرمەيتٸنٸ جەنە نٶمٸر ساناتتارىنىڭ قانداي ەرٸپتٸك بەلگٸلەرمەن كٶرسەتٸلەتٸنٸ كٶبٸرەك قىزىقتىردى.
