الماتىدا 14 جاستاعى جاسٶسپٸرٸم انتيبيوتيك ەكپەسٸنەن كەيٸن كٶز جۇمدى. اتا-اناسىنىڭ ايتۋىنشا, №37 قالالىق ەمحانادا دەرٸ سالدىرعان سوڭ بالانىڭ جاعدايى كٷرت ناشارلاپ, جەتٸ كٷن جانساقتاۋ بٶلٸمٸندە جاتقان. الايدا دەرٸگەرلەر ونى امان الىپ قالا المادى, دەپ حابارلايدى ult.kz.
«جەتٸنشٸ ارنانىڭ» مەلٸمەتٸنشە, مارقۇم ماكسيم تامىز ايىنان بەرٸ دەنساۋلىعىنا بايلانىستى بٸرنەشە مەديتسينالىق مەكەمەگە قارالعان. 21 قازاندا اتا-اناسى ونى №37 ەمحاناعا اپارعان. ينفەكتسيونيست دەرٸگەر انتيبيوتيك تاعايىنداپ, ەكپە الدىندا اللەرگييالىق سىناما جاساۋدى ەسكەرتكەن.
الايدا دەرٸ سالىنعاننان كەيٸن بالانىڭ جاعدايى كٷرت ناشارلاپ, ەسٸنەن تانعان. ول شۇعىل مەديتسينالىق كٶمەك كٶرسەتۋ ورتالىعىنا جەتكٸزٸلٸپ, جاساندى تىنىس الۋ اپپاراتىنا قوسىلعان. جەتٸ كٷننەن كەيٸن قايتىس بولدى.
اتا-اناسى دەرٸنٸڭ ناقتى مٶلشەرٸ مەن مەديتسينالىق كٶمەكتٸڭ ۋاقىتىلى كٶرسەتٸلگەنٸنە كٷمەن كەلتٸرٸپ وتىر. ەكەسٸ ەمحانا بەرگەن قۇجاتتاردا دەرٸ مٶلشەرٸنە قاتىستى سەيكەسسٸزدٸك بار ەكەنٸن مەلٸمدەگەن.
قازٸر پوليتسييا جاسٶسپٸرٸمنٸڭ ٶلٸمٸنە قاتىستى قىلمىستىق ٸس قوزعاپ, ساراپتامالار تاعايىندادى. سونىمەن قاتار مەديتسينالىق جەنە فارماتسەۆتيكالىق باقىلاۋ دەپارتامەنتٸ ەمحانا مەن بالانىڭ ەم العان ٶزگە مەكەمەلەرٸنە جوسپاردان تىس تەكسەرۋ جٷرگٸزبەك.
مارقۇمنىڭ اتا-اناسى ٸستٸڭ جان-جاقتى تەرگەلٸپ, كٸنەلٸلەر زاڭ الدىندا جاۋاپ بەرۋٸن تالاپ ەتەدٸ.
