جامبىل وبلىسىندا 300 باس قويدى ۇرلاپ, باسقا ٶڭٸرگە الىپ قاشپاق بولعان ەكٸ كٷدٸكتٸ قولعا تٷستٸ. پوليتسەيلەر ۇرلانعان مال تيەلگەن ەكٸ جٷك كٶلٸگٸن تاسجولدا توقتاتقان, دەپ حابارلايدى ult.kz.
وقيعا بايزاق اۋدانىنىڭ سارىباراق اۋىلىنداعى شارۋا قوجالىعىندا بولعان. قوجايىننىڭ جوقتىعىن پايدالانعان كٷدٸكتٸلەر تٷن ٸشٸندە قويلاردى كٶرشٸلەس قاراۋسىز قالعان قوجالىققا ايداپ اپارىپ, جٷك كٶلٸكتەرٸنە تيەگەن. مالدىڭ بٸر بٶلٸگٸن كٷدٸكتٸلەردٸڭ بٸرٸ ٶز ٷيٸنە جەتكٸزگەن.
ۇرلىقتى اشۋ ٷشٸن پوليتسييا قىزمەتكەرلەرٸ وقيعا ورنىنداعى ٸزدەردٸ, جٷك كٶلٸكتەرٸنٸڭ دٶڭگەلەك تاڭبالارىن زەرتتەپ, بەينەباقىلاۋ كامەرالارىنداعى جازبالاردى تەكسەرگەن. نەتيجەسٸندە كٷدٸكتٸلەردٸڭ مالدى تٷركٸستان وبلىسىنا تاسىمالداماق بولعانى انىقتالدى.
تەرتٸپ ساقشىلارى تاسجولدا قوي تيەلگەن ەكٸ كٶلٸكتٸ توقتاتىپ, ۇرلانعان مالدى تەركٸلەدٸ.
اتالعان فاكتٸ بويىنشا قىلمىستىق كودەكستٸڭ 188-1-بابىنىڭ 4-بٶلٸگٸمەن سوتقا دەيٸنگٸ تەرگەۋ باستالدى. ەكٸ كٷدٸكتٸ ۋاقىتشا ۇستاۋ يزولياتورىنا قامالدى.
