Jambyl oblysynda 300 bas qoidy urlap, basqa óńirge alyp qashpaq bolǵan eki kúdikti qolǵa tústi. Politseiler urlanǵan mal tielgen eki júk kóligin tasjolda toqtatqan, dep habarlaidy ult.kz.
Oqiǵa Baizaq aýdanynyń Sarybaraq aýylyndaǵy sharýa qojalyǵynda bolǵan. Qojaiynnyń joqtyǵyn paidalanǵan kúdiktiler tún ishinde qoilardy kórshiles qaraýsyz qalǵan qojalyqqa aidap aparyp, júk kólikterine tiegen. Maldyń bir bóligin kúdiktilerdiń biri óz úiine jetkizgen.
Urlyqty ashý úshin politsiia qyzmetkerleri oqiǵa ornyndaǵy izderdi, júk kólikteriniń dóńgelek tańbalaryn zerttep, beinebaqylaý kameralaryndaǵy jazbalardy teksergen. Nátijesinde kúdiktilerdiń maldy Túrkistan oblysyna tasymaldamaq bolǵany anyqtaldy.
Tártip saqshylary tasjolda qoi tielgen eki kólikti toqtatyp, urlanǵan maldy tárkiledi.
Atalǵan fakti boiynsha Qylmystyq kodekstiń 188-1-babynyń 4-bóligimen sotqa deiingi tergeý bastaldy. Eki kúdikti ýaqytsha ustaý izoliatoryna qamaldy.
