Almatyda jolaýshy áiel men onyń balasyna dórekilik kórsetip, balaǵat sózder aitqan taksi júrgizýshisi jeti táýlikke ákimshilik qamaýǵa alyndy. Politsiia ony áleýmettik jelide taraǵan video arqyly anyqtaǵan, dep habarlaidy ult.kz.
Almaty politsiiasynyń málimetinshe, oqiǵa kezinde áiel balasymen birge takside bolǵan. Sapar barysynda bala kólik salonyn búldirip qoiǵan. Buǵan ashýlanǵan 53 jastaǵy «Iandeks.Taksi» júrgizýshisi jolaýshyny balaǵattap, dórekilik tanytqan.
Kólik toqtaǵannan keiin de júrgizýshi syrtqa shyǵyp, janjaldy jalǵastyrǵan. Áiel bolǵan jaǵdaidy uialy telefonyna túsirip, politsiiaǵa aryzdanǵan.
Quqyq qorǵaý organdary júrgizýshini anyqtap, oǵan qatysty materialdardy sotqa joldady. Sot sheshimimen er adam jeti táýlikke ákimshilik qamaýǵa alyndy.
Politsiia turmystyq janjal nemese jolaýshynyń áreketine narazylyq bildirý ózgeni qorlaýǵa jáne qoǵamdyq tártipti buzýǵa sebep bola almaitynyn eskertti. Sondai-aq mundai jaǵdailarǵa balalardyń kýá bolýy olardyń psihologiialyq jaǵdaiyna keri áser etýi múmkin ekenin atap ótti.
