Meirambek Bespaevtyń jubaiy Marhabat Bespaeva áleýmettik jelidegi paraqshasynda kompozitor Arman Dúisenovti eske alyp, onyń otbasyna degen jyly lebizin bildirdi, dep habarlaidy ult.kz.

Ol Aisulýdyń qýanyshyna ortaqtasqan sátte ómirden ótken dosynyń orny erekshe sezilgenin jazdy.

“Kei adamdardyń orny eshqashan tolmaidy… Ýaqyt ótse de, saǵynysh seiilmeidi eken. Keshe bolǵan qýanyshty sátte Arman Dúisenovty taǵy da erekshe saǵynyshpen eske aldyq. Osyndai kúnderde «shirkin, qasymyzda bolǵanda ǵoi…» degen oi júrekti syzdatady”, – dep jazdy Marhabat Bespaeva.

Onyń aitýynsha, birge ótkizgen kúnder men shynaiy dostyqtan qalǵan jarqyn estelikter umytylmaidy.

“Aisulýdyń búgingi qýanyshyna biz shyn júrekten qýandyq! Saǵynyshpen eske alamyz. Janyńyz jánnatta bolsyn!” – dep túiindedi ol.

Sondai-aq toida Arman Dúisenovtiń jubaiyna iPhone 18 telefonyn syiǵa tartqan.

Aita keteiik, Meirambek Bespaevtyń anasy uly týraly syr shertti.

Arman Dúisenov kim? 
 

Arman Dúisenov – qazaqstandyq kompozitor, prodiýser ári telejúrgizýshi, “Qurmet” ordeniniń iegeri. Ol 1974 jyly Batys Qazaqstan oblysynyń Oral qalasynda dúniege kelgen. Qazaq estradasyna kóptegen án jazyp, kinoǵa mýzyka shyǵarǵan.

Onyń shyǵarmalarynyń qatarynda “Aǵajan”, “Baqyt tańy”, “Toiǵa tilek”, “Dosym meniń” ánderi bar. Dinara Qyryqbaevamen birge oryndaǵan “Ustazym” áni de tyńdarmanǵa keńinen tanylǵan.

Óner iesi telejúrgizýshi retinde de kópshilikke tanys boldy. “Habar” jáne “El arna” telearnalarynda “Aibyn”, “Dostarhana”, “Tapqyr dostar”, “Dýdar-ai” baǵdarlamalaryn júrgizgen. Arman Dúisenov 2023 jylǵy 24 qańtarda 48 jasynda ómirden ótti.