Almatydaǵy Respýblikalyq fizika-matematika mektebiniń (RFMM) filialynda direktor aýysty. Buǵan deiin de osy mektepti basqarǵan Almaz Kúnǵojin qyzmetine qaita taǵaiyndaldy. Kadrlyq ózgeris oqýshylardyń jappai ýlaný oqiǵasynan keiin bolyp otyr, dep habarlaidy ult.kz.
RFMM baspasóz qyzmetiniń habarlaýynsha, burynǵy direktor Meiirbek Meiirlan Edigerulynyń ókilettik merzimi aiaqtalǵan.
Jańa basshy Almaz Kúnǵojin – mektep túlegi, matematika mamandyǵy boiynsha PhD doktory. Ol 2018-2023 jyldary Almaty filialyn basqarǵan. Sondai-aq mektepte muǵalim, matematikalyq olimpiadalarǵa daiarlaý jónindegi jattyqtyrýshy jáne mamandandyrylǵan ári eksperimenttik baǵdarlamalar boiynsha direktordyń orynbasary qyzmetterin atqarǵan.
2023 jyldyń qyrkúieginen beri «RFMM» kommertsiialyq emes aktsionerlik qoǵamy basqarma tóraǵasynyń birinshi orynbasary bolǵan.
Eske salaiyq, 14 qazanda Almatydaǵy RFMM-niń 50-ge jýyq oqýshysy jedel ishek infektsiiasy belgilerimen aýrýhanaǵa túsken. Oqiǵadan keiin mektep 14-16 qazan aralyǵynda oqý protsesin onlain formatqa aýystyryp, internat pen ashananyń jumysyn ýaqytsha toqtatty. Sanitariialyq-epidemiologiialyq qyzmet mamandary mektep ǵimaratyn tekserip, zerthanalyq taldaýǵa synamalar aldy.
Atalǵan derek boiynsha Almaty politsiiasy qylmystyq is qozǵady. 22 qazanda aýrýhanaǵa túsken barlyq oqýshy úiine shyǵaryldy. Jalpy meditsinalyq kómekke 58 bala júgingen.
Keiin sanitariialyq-epidemiologiialyq baqylaý departamentiniń mamandary mektep ashanasyn tekserip, birqatar zańbuzýshylyqty anyqtady. Nátijesinde ashananyń qyzmeti 60 kúnge toqtatyldy.
