شەتەلدٸك ينتەرنەت-كازينولارعا 191 ملرد تەڭگە اۋدارۋعا كٶمەكتەسكەن توپتىڭ قىلمىستىق ٸسٸ سوتقا جولداندى. كٷدٸكتٸلەر زاڭسىز تٶلەمدەردٸ ٷش كومپانييانىڭ جٷيەسٸ ارقىلى ٶتكٸزٸپ, 286 ملن تەڭگە كوميسسييا العان, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, توپ ٶز باقىلاۋىنداعى ٷش كومپانييانىڭ تٶلەم جٷيەسٸن پايدالانىپ, شەتەلدٸك ونلاين-كازينولاردىڭ شوتتارىنا اقشا اۋدارعان. قارجى وپەراتسييالارى تٷرلٸ بانكتەرگە ورناتىلعان جٷزدەگەن تٶلەم تەرمينالى ارقىلى جٷرگٸزٸلگەن.
زاڭسىز سحەماعا Nomadgames, Sultangames, Pinco, Pin-UP, Vavada, Mostbet جەنە 1WIN پلاتفورمالارى تارتىلعان. جٷرگٸزٸلگەن اۋدارىمداردىڭ جالپى كٶلەمٸ 191 ملرد تەڭگەگە جەتسە, ۇيىمداستىرۋشىلاردىڭ كوميسسييالىق تابىسى 286 ملن تەڭگەنٸ قۇراعان.
قارجىنىڭ ناقتى الۋشىلارىن جاسىرۋ ٷشٸن زاڭدى تۇلعالار مەن جەكە كەسٸپكەرلەردٸڭ دەرەكتەمەلەرٸ پايدالانىلعان. كەيبٸر ازاماتتار ٶز اتىنا تٶلەم تەرمينالدارى تٸركەلگەنٸن بٸلمەگەن. ولاردىڭ اتىنان جاسالعان جالعان شارتتار مەن ارنايى ەزٸرلەنگەن سايتتار ارقىلى اۋدارىمدار تاۋارلار مەن قىزمەتتەردٸڭ اقىسى رەتٸندە كٶرسەتٸلگەن.
كەيٸن جينالعان قاراجات شەتەلدٸك الۋشىلارعا, ونىڭ ٸشٸندە كريپتوۆاليۋتا ارقىلى جٶنەلتٸلٸپ وتىرعان.
قما مەلٸمەتٸنشە, قىلمىستىق سحەمانى ۇيىمداستىردى دەگەن كٷدٸكتٸ قاماۋعا الىنعان. سوت سانكتسيياسىمەن تٶرت اۆتوكٶلٸك پەن 103 ملن تەڭگە قولما-قول اقشاعا تىيىم سالىندى. قىلمىستىق ٸس سوتتىڭ قاراۋىنا جٸبەرٸلدٸ.
قىلمىستىق-پروتسەستٸك كودەكستٸڭ 201-بابىنا سەيكەس, تەرگەۋدٸڭ ٶزگە مەلٸمەتتەرٸ جارييالانبايدى.
وسىعان دەيٸن الماتىدا زاڭسىز ونلاين-كازينو قىزمەتٸنە قاتىستى قارجى سحەماسى ەشكەرەلەنگەنٸ حابارلانعان بولاتىن.
