ٶسكەمەندە ينتەرنەت-دٷكەن ارقىلى ەسٸرتكٸ تاراتۋعا قاتىسى بار دەگەن كٷدٸكپەن 20 جاستاعى ازامات ۇستالدى. ول جالدامالى پەتەردە ەسٸرتكٸنٸ ٶلشەپ, تٷيٸنشەكتەرگە بٶلٸپ, بۋىپ-تٷيۋمەن اينالىسقان, دەپ حابارلايدى ult.kz.
Polisia.kz مەلٸمەتٸنشە, باسقا وبلىستىڭ تۇرعىنى ينتەرنەتتەگٸ «وڭاي تابىس» تۋرالى حابارلاندىرۋ ارقىلى زاڭسىز جۇمىسقا تارتىلعان. ەڭبەكاقىسى كريپتوۆاليۋتامەن تٶلەنگەن.
كٷدٸكتٸ «قاراسورا» جەدەل-پروفيلاكتيكالىق ٸس-شاراسى كەزٸندە قولعا تٷستٸ. جەكە تٸنتۋ بارىسىندا ودان ۇنتاق تەرٸزدٸ زات سالىنعان 350 تٷيٸنشەك تابىلدى. ال جالدامالى پەتەردەن تاعى 28 تٷيٸنشەك پەن ەكٸ ىدىسقا سالىنعان زات تەركٸلەندٸ.
ساراپتاما نەتيجەسٸندە تەركٸلەنگەن زاتتىڭ جالپى سالماعى 635 گرامم بولاتىن α-PVP پسيحوتروپتىق زاتى ەكەنٸ انىقتالدى.
اتالعان دەرەك بويىنشا قىلمىستىق ٸس قوزعالدى. كٷدٸكتٸ ۋاقىتشا ۇستاۋ يزولياتورىنا قامالدى.
پوليتسييا ينتەرنەتتەگٸ وڭاي تابىس تۋرالى ۇسىنىستاردىڭ ارتىندا ەسٸرتكٸ ساۋداسى سيياقتى زاڭسىز ەرەكەتتەر تۇرۋى مٷمكٸن ەكەنٸن ەسكەرتتٸ.
