قازاقستاندا جٷرگٸزۋشٸلەرگە قىسقى دٶڭگەلەككە اۋىسۋ ەسكەرتٸلدٸ. اقمولا وبلىسىندا ەكٸ كٷن ٸشٸندە جازعى شينامەن جٷرگەن 744-تەن استام كٶلٸكتٸ رەسپۋبليكالىق تاسجولدارعا جٸبەرمەي, كەرٸ قايتارعان, دەپ حابارلايدى ult.kz.
ٸشكٸ ٸستەر مينيسترلٸگٸنٸڭ مەلٸمەتٸنشە, 8-9 قاراشادا استانا – ششۋچينسك, استانا – شٸدەرتٸ – پاۆلودار جەنە كٶكشەتاۋ – اتباسار تاسجولدارىنىڭ كەي ۋچاسكەلەرٸندە جازعى دٶڭگەلەكپەن جٷرۋگە ۋاقىتشا شەكتەۋ قويىلدى.
سينوپتيكتەر اقمولا, اقتٶبە, ماڭعىستاۋ جەنە سولتٷستٸك قازاقستان وبلىستارىندا قار مەن جاڭبىر جاۋىپ, كٶكتايعاق بولۋى مٷمكٸن ەكەنٸن ەسكەرتتٸ. پوليتسەيلەر جٷرگٸزۋشٸلەردٸ جىلدامدىقتى ازايتىپ, اراقاشىقتىقتى ساقتاۋعا شاقىردى. جول جاعدايىن 1403 نٶمٸرٸ ارقىلى بٸلۋگە بولادى.
قىسقى كەزەڭدە جازعى شينامەن جٷرگەندەرگە 21 625 تەڭگەدەن 86 500 تەڭگەگە دەيٸن ايىپپۇل سالىنۋى مٷمكٸن.
سونىمەن قاتار 9 قاراشادان باستاپ الماتى – قورعاس, قاراعاندى – بۋرىلبايتال جەنە قىزىلوردا – ارال تاسجولدارىنىڭ التى ۋچاسكەسٸندە ورتاشا جىلدامدىقتى باقىلايتىن جٷيە ٸسكە قوسىلادى. جىلدامدىقتى اسىرعاندارعا 21 625 تەڭگەدەن 86 500 تەڭگەگە دەيٸن, قايتالانعان جاعدايدا 129 750 تەڭگەگە دەيٸن ايىپپۇل قاراستىرىلعان.
