قازاقستاندا كەمپيت, پەچەنە, تورت جەنە باسقا دا كونديتەرلٸك ٶنٸمدەردٸڭ قۇرامىنداعى ترانسماي مٶلشەرٸن انىقتاۋدىڭ بٸرىڭعاي ەدٸسٸ بەكٸتٸلدٸ. جاڭا ۇلتتىق ستاندارت 2026 جىلعى 1 قاراشادان باستاپ كٷشٸنە ەندٸ, دەپ حابارلايدى ult.kz.
بۇعان دەيٸن ترانسماي مٶلشەرٸن انىقتاۋ ٷشٸن قولدانىلعان گوست 31754-2012 ستاندارتى نەگٸزٸنەن ماي ٶنٸمدەرٸ مەن تاعام ٶندٸرٸسٸنە ارنالعان شيكٸزاتتى تەكسەرۋگە باعىتتالعان. ال دايىن كونديتەرلٸك ٶنٸمدەردٸڭ قۇرامىنداعى ترانسمايدى انىقتاۋدىڭ بٸرىڭعاي ەدٸسٸ بولماعان.
ەندٸ ست رك 4052-2026 ۇلتتىق ستاندارتى زەرتحانالارعا تەتتٸ ٶنٸمدەردەگٸ ترانسماي مٶلشەرٸن بٸرٸزدٸ ەدٸسپەن ٶلشەپ, نەتيجەلەرٸن ورتاق تەرتٸپپەن باعالاۋعا مٷمكٸندٸك بەرەدٸ.
قر ساۋدا جەنە ينتەگراتسييا مينيسترلٸگٸ تەحنيكالىق رەتتەۋ جەنە مەترولوگييا كوميتەتٸنٸڭ تٶراعاسى جاننا ەسەنبەكوۆانىڭ ايتۋىنشا, جاڭا ستاندارت ٶنٸمدەردٸڭ قاۋٸپسٸزدٸگٸن باقىلاۋدى كٷشەيتۋگە, ەسٸرەسە شەتەلدەن ەكەلٸنەتٸن تەتتٸلەردٸڭ قۇرامىن تەكسەرۋگە مٷمكٸندٸك بەرەدٸ.
قۇجات 2026 جىلعا ارنالعان ۇلتتىق ستاندارتتاۋ جوسپارى اياسىندا ەزٸرلەنگەن. ونى «قازستاندارت» دايىنداپ, ساۋدا جەنە ينتەگراتسييا مينيسترلٸگٸنٸڭ تەحنيكالىق رەتتەۋ جەنە مەترولوگييا كوميتەتٸ بەكٸتتٸ.
جاڭا ستاندارت تاماق ٶنٸمدەرٸنٸڭ قاۋٸپسٸزدٸگٸنە قاتىستى كەدەن وداعىنىڭ تەحنيكالىق رەگلامەنتتەرٸمەن ٷيلەستٸرٸلگەن.
