پاۆلودار وبلىسىندا كەسٸپكەرلٸكتٸ دامىتۋعا بەرٸلگەن مەملەكەتتٸك گرانتتاردى ماقساتسىز پايدالانعان 14 ازامات انىقتالدى. پروكۋراتۋرانىڭ ارالاسۋىنان كەيٸن مەملەكەتكە 18 ملن تەڭگە قايتارىلدى, دەپ حابارلايدى ult.kz.
ەرتٸس اۋدانىنىڭ پروكۋراتۋراسى مەملەكەتتٸك گرانتتاردىڭ جۇمسالۋىنا تەكسەرۋ جٷرگٸزگەن. نەتيجەسٸندە 14 گرانت الۋشى ٶز مٸندەتتەمەلەرٸن ورىنداماعانى بەلگٸلٸ بولدى.
اتاپ ايتقاندا, ولاردىڭ كەيبٸرٸ مەلٸمدەگەن بيزنەس-جوبالارىن مٷلدە ٸسكە اسىرماعان, ەندٸ بٸرٸ تەك ٸشٸنارا ورىنداعان. سونىمەن قاتار بٶلٸنگەن قاراجاتتىڭ بٸر بٶلٸگٸ جەكە جەنە تۇتىنۋشىلىق قاجەتتٸلٸكتەرگە جۇمسالعان.
بۇدان بٶلەك, گرانت قاراجاتىنىڭ جۇمسالعانى تۋرالى ەسەپتەر جوبالاردىڭ ناقتى ٸسكە اسىرىلعانىن جەنە جوسپارلانعان نەتيجەلەرگە قول جەتكٸزٸلگەنٸن راستاماعان.
پروكۋراتۋرا قابىلداعان شارالاردىڭ نەتيجەسٸندە مەملەكەتكە 18 ملن تەڭگە قايتارىلدى. ٷش تالاپ ارىز بويىنشا سوت پروكۋراتۋرانىڭ تالابىن قاناعاتتاندىرعان. تاعى 11 ٸس بويىنشا قاراجاتتى قايتارۋ تۋرالى مەدياتسييالىق كەلٸسٸمدەر جاسالعان.
ايتا كەتەيٸك, مەملەكەتتٸك گرانتتار ازاماتتارعا اۋىل شارۋاشىلىعى, ٶندٸرٸس, قىزمەت كٶرسەتۋ جەنە باسقا دا سالالارداعى بيزنەس-جوبالاردى جٷزەگە اسىرۋ ٷشٸن قايتارىمسىز نەگٸزدە بەرٸلەدٸ.
