قازاقستاننىڭ بٸرقاتار ٶڭٸرٸندە 11-12 قاراشا كٷندەرٸ جاۋىن-شاشىن, قار, كٶكتايعاق, تۇمان جەنە قاتتى جەل كٷتٸلەدٸ. وڭتٷستٸك ٶڭٸرلەردە اۋا تەمپەراتۋراسى كٷرت تٶمەندەيدٸ. بۇل تۋرالى «قازگيدرومەت» رمك مەلٸمەتٸنە سٸلتەمە جاساپ, دەپ حابارلايدى ult.kz.
سينوپتيكتەردٸڭ بولجامىنشا, 11 قاراشادا تٷركٸستان, جامبىل, الماتى جەنە جەتٸسۋ وبلىستارىندا جاۋىن-شاشىن, كەي جەرلەردە قاتتى جاڭبىر مەن قار جاۋادى. جەلدٸڭ ەكپٸنٸ سەكۋندىنا 23-28 مەترگە دەيٸن جەتۋٸ مٷمكٸن. 12 قاراشادا اتالعان ٶڭٸرلەردٸڭ تاۋلى اۋداندارىندا كٶكتايعاق كٷتٸلەدٸ.
تٷركٸستان وبلىسىندا 11 قاراشادا اۋا تەمپەراتۋراسى 2-7 گرادۋس جىلى, تاۋلى اۋدانداردا 1 گرادۋس ايازعا دەيٸن تٶمەندەيدٸ. ال 12 قاراشاعا قاراعان تٷنٸ 1-6 گرادۋس اياز بولادى. شىمكەنتتە اۋا تەمپەراتۋراسى 5-7 گرادۋس جىلىعا دەيٸن, تٷركٸستان قالاسىندا 4-6 گرادۋس جىلىعا دەيٸن تٶمەندەپ, كەلەسٸ تٷندە تيٸسٸنشە 1-3 جەنە 2-4 گرادۋس اياز كٷتٸلەدٸ.
جامبىل وبلىسىندا 11 قاراشادا اۋا تەمپەراتۋراسى 3-8 گرادۋس جىلى بولادى. تاۋلى اۋدانداردا 2 گرادۋس ايازعا دەيٸن تٶمەندەۋٸ مٷمكٸن. 12 قاراشاعا قاراعان تٷنٸ وبلىستىڭ كەي جەرلەرٸندە 4 گرادۋسقا دەيٸن اياز بولادى. تاراز قالاسىندا 11 قاراشادا اۋا تەمپەراتۋراسى 6-8 گرادۋس جىلىعا دەيٸن تٶمەندەيدٸ.
الماتى وبلىسىندا 11-12 قاراشادا تۇمان مەن جولداردا كٶكتايعاق كٷتٸلەدٸ. الماتى قالاسىندا 11 قاراشادا جاڭبىر مەن قار جاۋىپ, كەي ۋاقىتتا جاۋىن-شاشىن قاتتى بولۋى مٷمكٸن. سونداي-اق تۇمان تٷسٸپ, جەلدٸڭ ەكپٸنٸ سەكۋندىنا 15-20 مەترگە جەتەدٸ. قوناەۆ قالاسىندا دا جاۋىن-شاشىن, تۇمان جەنە كٶكتايعاق بولجانىپ وتىر.
شىعىس قازاقستان جەنە اباي وبلىستارىندا 11 قاراشادا جاڭبىر مەن قار جاۋىپ, كٶكتايعاق بولادى. شىعىس قازاقستان وبلىسىنىڭ سولتٷستٸگٸ مەن تاۋلى اۋداندارىندا, اباي وبلىسىنىڭ وڭتٷستٸگٸ, شىعىسى مەن ورتالىعىندا قاتتى جاۋىن-شاشىن كٷتٸلەدٸ. جەلدٸڭ ەكپٸنٸ سەكۋندىنا 15-20 مەترگە دەيٸن جەتۋٸ ىقتيمال.
قىزىلوردا وبلىسىنىڭ سولتٷستٸگٸ, شىعىسى مەن ورتالىعىندا جاڭبىر مەن قار جاۋىپ, تۇمان تٷسٸپ, كٶكتايعاق بولادى. ٶڭٸردە جوعارى ٶرت قاۋپٸ دە ساقتالادى.
قاراعاندى وبلىسىنىڭ كەي جەرلەرٸندە تٷندە قار ارالاس جاڭبىر جاۋىپ, كٶكتايعاق بولادى. كٷندٸز وبلىستىڭ باتىسى, شىعىسى مەن ورتالىعىندا جاۋىن-شاشىن كٷتٸلەدٸ. ۇلىتاۋ وبلىسىندا دا جاڭبىر مەن قار جاۋىپ, جولداردا كٶكتايعاق بولۋى مٷمكٸن.
سونىمەن قاتار اقمولا, سولتٷستٸك قازاقستان, پاۆلودار, ماڭعىستاۋ, باتىس قازاقستان, اتىراۋ جەنە قوستاناي وبلىستارىنىڭ كەي جەرلەرٸندە تۇمان كٷتٸلەدٸ. اقتٶبە وبلىسىنىڭ باتىسى مەن سولتٷستٸگٸندە كٷندٸز ازداعان جاڭبىر مەن قار جاۋىپ, كٶكتايعاق بولۋى ىقتيمال.
استانا قالاسىندا 11 قاراشادا تٷندە جەنە تاڭەرتەڭ تۇمان تٷسەدٸ. شىمكەنتتە كەي ۋاقىتتاردا تۇمان بولىپ, جەلدٸڭ ەكپٸنٸ سەكۋندىنا 15-20 مەترگە جەتەدٸ.
بۇدان بٶلەك, الماتى, قوناەۆ, تالدىقورعان جەنە تاراز قالالارىندا, سونداي-اق الماتى, جەتٸسۋ, جامبىل جەنە تٷركٸستان وبلىستارىنىڭ جەكەلەگەن اۋداندارىندا جوعارى ٶرت قاۋپٸ ساقتالادى.
سينوپتيكتەر تۇرعىندارعا اۋا رايىنىڭ قولايسىزدىعىن ەسكەرٸپ, جولدا ساق بولۋعا جەنە قاۋٸپسٸزدٸك شارالارىن ساقتاۋعا كەڭەس بەرەدٸ.
