Qazaqstannyń birqatar óńirinde 11-12 qarasha kúnderi jaýyn-shashyn, qar, kóktaiǵaq, tuman jáne qatty jel kútiledi. Ońtústik óńirlerde aýa temperatýrasy kúrt tómendeidi. Bul týraly «Qazgidromet» RMK málimetine silteme jasap, dep habarlaidy ult.kz.
Sinoptikterdiń boljamynsha, 11 qarashada Túrkistan, Jambyl, Almaty jáne Jetisý oblystarynda jaýyn-shashyn, kei jerlerde qatty jańbyr men qar jaýady. Jeldiń ekpini sekýndyna 23-28 metrge deiin jetýi múmkin. 12 qarashada atalǵan óńirlerdiń taýly aýdandarynda kóktaiǵaq kútiledi.
Túrkistan oblysynda 11 qarashada aýa temperatýrasy 2-7 gradýs jyly, taýly aýdandarda 1 gradýs aiazǵa deiin tómendeidi. Al 12 qarashaǵa qaraǵan túni 1-6 gradýs aiaz bolady. Shymkentte aýa temperatýrasy 5-7 gradýs jylyǵa deiin, Túrkistan qalasynda 4-6 gradýs jylyǵa deiin tómendep, kelesi túnde tiisinshe 1-3 jáne 2-4 gradýs aiaz kútiledi.
Jambyl oblysynda 11 qarashada aýa temperatýrasy 3-8 gradýs jyly bolady. Taýly aýdandarda 2 gradýs aiazǵa deiin tómendeýi múmkin. 12 qarashaǵa qaraǵan túni oblystyń kei jerlerinde 4 gradýsqa deiin aiaz bolady. Taraz qalasynda 11 qarashada aýa temperatýrasy 6-8 gradýs jylyǵa deiin tómendeidi.
Almaty oblysynda 11-12 qarashada tuman men joldarda kóktaiǵaq kútiledi. Almaty qalasynda 11 qarashada jańbyr men qar jaýyp, kei ýaqytta jaýyn-shashyn qatty bolýy múmkin. Sondai-aq tuman túsip, jeldiń ekpini sekýndyna 15-20 metrge jetedi. Qonaev qalasynda da jaýyn-shashyn, tuman jáne kóktaiǵaq boljanyp otyr.
Shyǵys Qazaqstan jáne Abai oblystarynda 11 qarashada jańbyr men qar jaýyp, kóktaiǵaq bolady. Shyǵys Qazaqstan oblysynyń soltústigi men taýly aýdandarynda, Abai oblysynyń ońtústigi, shyǵysy men ortalyǵynda qatty jaýyn-shashyn kútiledi. Jeldiń ekpini sekýndyna 15-20 metrge deiin jetýi yqtimal.
Qyzylorda oblysynyń soltústigi, shyǵysy men ortalyǵynda jańbyr men qar jaýyp, tuman túsip, kóktaiǵaq bolady. Óńirde joǵary órt qaýpi de saqtalady.
Qaraǵandy oblysynyń kei jerlerinde túnde qar aralas jańbyr jaýyp, kóktaiǵaq bolady. Kúndiz oblystyń batysy, shyǵysy men ortalyǵynda jaýyn-shashyn kútiledi. Ulytaý oblysynda da jańbyr men qar jaýyp, joldarda kóktaiǵaq bolýy múmkin.
Sonymen qatar Aqmola, Soltústik Qazaqstan, Pavlodar, Mańǵystaý, Batys Qazaqstan, Atyraý jáne Qostanai oblystarynyń kei jerlerinde tuman kútiledi. Aqtóbe oblysynyń batysy men soltústiginde kúndiz azdaǵan jańbyr men qar jaýyp, kóktaiǵaq bolýy yqtimal.
Astana qalasynda 11 qarashada túnde jáne tańerteń tuman túsedi. Shymkentte kei ýaqyttarda tuman bolyp, jeldiń ekpini sekýndyna 15-20 metrge jetedi.
Budan bólek, Almaty, Qonaev, Taldyqorǵan jáne Taraz qalalarynda, sondai-aq Almaty, Jetisý, Jambyl jáne Túrkistan oblystarynyń jekelegen aýdandarynda joǵary órt qaýpi saqtalady.
Sinoptikter turǵyndarǵa aýa raiynyń qolaisyzdyǵyn eskerip, jolda saq bolýǵa jáne qaýipsizdik sharalaryn saqtaýǵa keńes beredi.
