Ánshi Meirambek Bespaevtyń jubaiy Marhabat Bespaeva qonaq kútkende ózine qolǵabys etken abysyndaryna jyly lebizin arnady, dep habarlaidy ult.kz.

Ol kóp qonaqty jalǵyz adamnyń kútip alýy ońai emes ekenin aityp, osyndaida janyńnan tabylatyn jaqyndardyń kómegin erekshe baǵalaitynyn jetkizdi.

“Qonaqtyń bárin bir óziń kútip qalai úlgeresiń? Biraq osyndai sátte adamnyń janynda qol ushyn berip, bir úidiń qyzyndai júgirip júrgen abysyndary bolsa, qandai keremet!” – dep jazdy Marhabat Bespaeva.

Ánshiniń jary osy sózderimen abysyndarynyń aýyzbirshiligin, sharýaǵa birge jumylyp, ózine súieý bolǵanyn atap ótti.

Aita keteiik, Meirambek Bespaevqa dombyra pishinindegi tort daiyndaldy. 

Meirambek Bespaev kim? 
 

Meirambek Bespaev – qazaqstandyq ánshi, Qazaqstannyń eńbek sińirgen qairatkeri, “MýzArt” tobynyń múshesi. Ol 1976 jylǵy 7 qarashada Taraz qalasynda dúniege kelgen.

Ónerge bala kezinen aralasyp, “Boztorǵai” ánin oryndaýymen kópshilikke tanyldy.

Qazaqtyń halyq ánderi men lirikalyq týyndylaryn oryndaidy. Sáken Maiǵaziev jáne Kenjebek Janábilovpen birge “MýzArt” tobynyń quramynda óner kórsetip, qazaq estradasynda ózindik ornyn qalyptastyrdy.

Jubaiy – Marhabat Bespaeva. Erli-zaiyptynyń úsh balasy bar.