"Million" jaidarman toby arqyly tanylǵan ázilkesh Mansar Orynhannyń jubaiy Nuraiym Halila otbasyndaǵy keleńsiz jaǵdaidy kópshilikke jariia etti. Ol kúieýiniń birneshe kúnnen beri úige kelmegenin aityp, áleýmettik jelide jan syryn aqtardy, dep habarlaidy ult.kz.
Nuraiym Halila Instagram paraqshasyndaǵy Stories bóliminde kúieýiniń alty kún boiy úige qonbaǵanyn, tipti ózin barlyq bailanys quralynda buǵattap tastaǵanyn málimdedi. Aitýynsha, mundai jaǵdai olardyń otbasynda buryn da bolǵan.
"Bálkim, qazir emotsiiamen jazyp otyrǵan shyǵarmyn... Úige qonbaidy, habarsyz ketedi, barlyq jerden buǵattaidy. Alty kún ótti, Almatyda júrgenin bilemin. Biraq men óz ómirimdi súremin. Onyń joqtyǵynan ómir toqtamaidy. Jáne bul birinshi ret emes! Keshe toiǵa bardym, sol kezde ǵana bailanysqa shyqty", – dep jazdy ol.
Ázilkeshtiń jubaiy úsh balasymen baspanasyz qalǵysy kelmeitinin de ashyq aitty. Ol kúieýine otbasyna qatysty naqty sheshim qabyldaý kerektigin eskertip, úiden ketpeitinin jetkizdi.
"Qazir ózine aitarym bireý: eger tańdaýyń kóshe bolsa, úidi bizge qaldyr. Bizdi tańdamaǵanyń úshin úsh balamen tentiretpe. Men bul úiden ketpeimin, qýsań da", – dedi Nuraiym Halila.
Kelinshektiń bul jazbasy áleýmettik jelide qyzý talqylandy. Jeli qoldanýshylarynyń bir bóligi úsh balanyń anasyna qoldaý bildirse, endi biri otbasylyq máseleniń kópshilik aldyna shyqqanyn talqylap jatyr.
Ázirge Mansar Orynhan jubaiynyń málimdemesine qatysty kópshilik aldynda pikir bildirgen joq. Sondyqtan otbasyndaǵy jaǵdaidyń mán-jaiy ázilkeshtiń óz tarapynan naqtylanbady.
