Tanymal ánshi Tóreǵali Tóreáliniń jubaiy Tolqyn Turarbekqyzy úlken qyzy Káýsardyń ońaltý emin qalai ótkerip jatqanyn bólisti. Ol balasyna qoldaý kórsetýge tyrysqanymen, onyń qinalǵanyn kórý ózine de ońai soqpaitynyn jetkizdi, dep habarlaidy ult.kz.

Tolqynnyń aitýynsha, qazir qyzynyń ońaltý jattyǵýlary burynǵydan qarqyndy júrip jatyr. Káýsar keide sharshaǵanyn aitsa da, anasy ony jigerlendirip, emdi jalǵastyrýǵa dem beredi. Alaida qyzyna qairatty bolýǵa keńes bergenimen, ózi ishtei alańdaitynyn jasyrmady.

“Káýsarym sharshaǵanyn aitady. Biraq bul toqtaityn jer emes dep qamshylaimyn. Aitýyn aityp alyp, ishtei qinalatynym bar. Maqsatqa jetý joly ońai bolmaidy… Birge kúiip, pisip órtenip, janyp ketetindei-aq jol. Ishińde jalyndap turǵan nyq senim men úmitiń bolmasa, shainap jutyp dymyńdy qaldyrmaityn jol. Sebebi ana balaǵa kelgende óte álsiz. Al onyń qinalǵanyn kórý, sezý, birge ótkerý tipten aýyr”, – dep jazdy ol.

Ánshiniń jubaiy tórt aidan keiin Káýsarǵa disport ekpesin saldyrý josparlanǵanyn da aitty. Buǵan deiin birneshe operatsiiany ótkergen qyzyna aldaǵy em aldynda rýhani demeý berip, senimin nyǵaitýǵa tyrysatynyn jetkizdi.

Aita keteiik, Tóreǵali Tóreáliniń jazbasy eldi tańyrqatty.

Tóreǵali Tóreáli kim? 
 

Tóreǵali Tóreáli — qazaqstandyq estrada ánshisi, án avtory ári akter. Ol 1992 jyly 14 qazanda Qyzylorda oblysy Baiqońyr qalasynda dúniege kelgen. Jastaiynan ónerge jaqyn bolyp, dombyra tartyp, án aitqan. Óner jolyn aitystan bastap, keiin estradaǵa bet burǵan. Aqyndyq qabiletimen de tanylyp, ánderiniń birqataryna ózi sóz jazǵan.

Ánshi el arasynda “Uly dala balasy” degen atpen tanymal. Onyń repertýarynda mahabbat, týǵan jer, otbasy men adamdyq qundylyqtar týraly ánder bar. “Allo”, “Bol janymda”, “Ýáde qaida?” sekildi týyndylary tyńdarman arasynda keń taraǵan. Án oryndaýdaǵy ózindik máneri men qońyr daýysy arqyly tanylǵan. Jeke shyǵarmashylyǵymen qatar, ózge ónerpazdarmen dýet oryndap júr.

Tóreǵali kino salasynda da baǵyn synaǵan. Ol “Uly dala komediiasy” filminde basty róldi somdady. Shyǵarmashylyq jańalyqtary men otbasylyq sátterin áleýmettik jelide bólisip turady. Jubaiy — Tolqyn Turarbekqyzy. Erli-zaiypty bala tárbielep otyr.