Tóreǵali Tóreáli men jubaiynyń dastarhan basyndaǵy qonaqtarǵa sálem berip kelgen sáti jelide talqyǵa tústi. Qoldanýshylar tórde otyrǵan Qaraqat Ábildina men Maqpal Júnisovanyń amandasý mánerin salystyryp, túrli pikir bildirip jatyr, dep habarlaidy ult.kz.
Jurttyń nazaryn Qaraqattyń ornynan turmai amandasqany, al Maqpaldyń birden ornynan kóterilip, erli-zaiyptyny qarsy alǵany aýdarǵan. Kei qoldanýshylar Qaraqattyń áreketin synǵa alsa, endi biri Maqpaldyń kishipeiildigine súisingen.
Pikir jazǵandar “Alystan alty jasar bala kelse, alpystaǵy qariia ornynan turyp sálem beredi” degen sózdi alǵa tartyp, Maqpal Júnisovanyń izetin tárbiemen bailanystyrǵan.
Aita keteiik, Athambek Iýldashev Maqpal Júnisovanyń ónerine bas idi.
Maqpal Júnisova kim?
Maqpal Muhamediiarqyzy Júnisova — qazaq estradasynyń tanymal ánshisi, Qazaqstannyń halyq ártisi, Memlekettik syilyqtyń laýreaty.
Ol 1964 jyly 11 qańtarda Qaraǵandy oblysynyń Terekti aýylynda dúniege kelgen. Shyǵarmashylyq jolyn “Gúlder” ansamblinde bastap, keiin “Qazaqkontsert” birlestigi janynan “Nazerke” ansamblin uiymdastyrǵan. Onyń oryndaýyndaǵy “Ǵashyq júrek”, “Qyz ǵumyr”, “Fariza qyz”, “Qoshtasý” ánderi tyńdarmanǵa keńinen tanylǵan.
Ánshi 1994 jyly “Qazaqstannyń halyq ártisi” ataǵyn alyp, 1999 jyly Memlekettik syilyqtyń laýreaty atanǵan.
