Ánshi Tóreǵali Tóreáli erli-zaiyptylardyń qarym-qatynasy týraly ázil aralas jazba jariialady, dep habarlaidy ult.kz.

Óner iesi Threads paraqshasynda er adamnyń áieline baǵynýyna qatysty oiyn qysqa qaiyrǵan.

“Aqyldy erkek áieline birden baǵynady, al aqymaq erkek birte-birte baǵynady”, – dep jazdy ánshi.

Jazbaǵa 17,5 myńǵa jýyq unatý belgisi basylyp, 331 pikir qaldyrylǵan. Sondai-aq ony bólisý kórsetkishi 4,9 myńǵa jetken.

Aita keteiik, Tóreǵali Tóreáli Mekkede jubaiyna sezimin bildirdi. 

Tóreǵali Tóreáli kim?

Tóreǵali Tóreáli — qazaqstandyq estrada ánshisi, aqyn ári akter. Ol 1992 jylǵy 14 qazanda Qyzylorda oblysynyń Baiqońyr qalasynda dúniege kelgen. Óner jolyn aitystan bastap, keiin estradaǵa bet burǵan. Kópshilik arasynda “Uly dala balasy” degen atpen tanymal.

Repertýarynda mahabbat, týǵan jer jáne otbasy taqyrybyndaǵy ánder bar. Ánshi Tóreáli Tólepálimen birge oryndaǵan “Allo” áni arqyly da tyńdarman yqylasyna bólendi.

Kino salasynda baǵyn synap, “Uly dala komediiasy” filminde basty róldi somdaǵan. Jubaiy — Tolqyn Turarbekqyzy.