Ánshi Meirambek Bespaevtyń 50 jasyna arnap dombyra pishinindegi erekshe tort ázirlendi, dep habarlaidy ult.kz.

Óner iesi torttyń dámin aldymen janynda turǵan, ózimen bir kúnde týǵan birneshe adamǵa tatqyzdy. Árqaisysyna óz qolymen aýyz tigizgen ánshi sodan keiin ǵana ózi dámin kórdi.

Meirambek Bespaev 50 jas mereitoiyn keń kólemde atap ótti. Óner jáne shoý-biznes ókilderi jinalǵan keshte ánder shyrqalyp, mereitoi iesine aq tilekter aityldy.

Aita keteiik, Meirambek Bespaev mereitoiynda kenje qyzyn kópshilikke kórsetti.

Meirambek Bespaev kim?

Meirambek Bespaev — qazaq estradasynyń ánshisi, Qazaqstannyń eńbek sińirgen qairatkeri, “MýzART” tobynyń múshesi. Ol 1976 jyly 7 qarashada Taraz qalasynda dúniege kelgen.

Ónerge bala kezinen aralasyp, “Boztorǵai” ánin oryndaýymen kópshilikke tanyldy. Onyń bala kúngi oryndaýy ánshiniń shyǵarmashylyq jolyndaǵy erekshe belesterdiń biri boldy.

Meirambek Bespaev Sáken Maiǵaziev jáne Kenjebek Janábilovpen birge “MýzART” tobynda óner kórsetedi. Toptyń oryndaýyndaǵy ánder tyńdarman arasynda keńinen taralǵan. Ánshi jeke shyǵarmashylyǵynda da lirikalyq týyndylar men halyq ánderine oryn beredi. Ol qońyr daýysy jáne ulttyq naqyshtaǵy oryndaý mánerimen tanymal.