Jýyrda ómirden ótken zańger Ǵabit Ómirbektiń ákesi ulyn saǵynyshpen eske alyp, onyń bastaǵan isin jalǵastyratynyn aitty, dep habarlaidy ult.kz.

Ákesiniń aitýynsha, osy kúnderi Ǵabitti tanyǵan jandar onyń dostyǵy, áriptestigi jáne qiyn sátte kórsetken kómegi týraly estelikterimen bólisip jatyr.

“Birińiz Ǵabitti dosym dep, birińiz áriptesim dep eske alasyz. Al endi birińiz onyń qiyn sátte qol ushyn bergenin aityp keldińizder. Osyndai uldyń ákesi bolǵanymdy maqtan tutamyn”, – dedi marqumnyń ákesi.

Sondai-aq ol balasy qurǵan “Lawyer 888” ujymymen birge zańgerdiń bastaǵan jumysyn jalǵastyrýǵa nietti ekenin aitty.

“Endi sol azamattarmen birge Ǵabittiń bastaǵan isin jalǵastyramyz. Osy shańyraqtyń áli talai adamǵa kómegi tisin. Áke retinde meniń tilegim osy”, – dep jazdy ol.

Jazba sońynda ákesi ulyn duǵasyna qosyp, otbasyna qoldaý bildirgen barsha jurtqa alǵys aitty.

“Balamdy duǵalaryńyzǵa qosyp júrgen barshańyzǵa Alla razy bolsyn. Janyń jánnatta bolsyn, Ǵabitim”, – dep túiindedi ol.

Aita keteiik, Marqum zańger Ǵabit Ómirbektiń jary saǵynyshyn jetkizdi.

Ǵabit Ómirbek kim? 

Ǵabit Ómirbek - azamattardyń quqyǵyn qorǵaýymen tanylǵan qazaqstandyq zańger. Ol “Lawyer 888” zańgerlik kompaniiasyn basqarǵan. Qylmystyq, azamattyq jáne ákimshilik istermen qatar, otbasylyq daýlar men bankke qatysty máseleler boiynsha quqyqtyq kómek kórsetken.

Zańger áskerdegi álimjettik, jol-kólik oqiǵalary jáne alaiaqtyqtan zardap shekken azamattardyń múddesin qorǵaǵan. Sonyń ishinde Otardaǵy áskeri bólimde soqqyǵa jyǵylǵan sarbaz Esbol Qapardyń isine qatysqan. Buqaralyq aqparat quraldary men áleýmettik jelilerde nesie, bankpen aradaǵy daý jáne alaiaqtyqtan saqtaný máselelerin túsindirip júrgen.

Onyń qaitys bolǵany 2026 jylǵy 24 qazanda habarlandy. Qaraly habardy jetkizgen jýrnalist Irina Sovetjan zańgerdiń óz siýjetterindegi kóptegen keiipkerge tegin kómek kórsetkenin aitqan.