Memleket basshysy Q.K.Toqaevtyń quttyqtaý hatyn mereitoi iesine Almaty qalasynyń ákimi Darhan Satybaldy tabys etti, dep habarlaidy ult.kz.
Sondai-aq, kezdesýge Ózbekstan Respýblikasy Prezidentiniń keńesshisi, jazýshy Hairiddin Sultanov pen Ózbekstan Respýblikasynyń Almaty qalasyndaǵy Bas konsýly Matchanov Raýshanbek qatysty.
“Kóp jyl respýblikalyq gazet-jýrnaldarda qajyrly qyzmet atqaryp, halqymyzdyń mádeni-rýhani bailyǵyn eselei túsýge atsalystyńyz. Otandyq baspa isiniń damýyna úles qosyp, oqyrman suranysyna sai sapaly kitaptardyń jaryqqa shyǵýyna airyqsha eńbek sińirdińiz.
Adamzatqa ortaq taqyryptardy arqaý etken prozalyq, pýblitsistikalyq jáne dramalyq shyǵarmalaryńyz ádebietsúier qaýymnyń joǵary baǵasyn aldy.
Búgingi tańda Jazýshylar odaǵynyń bedelin nyǵaitýǵa, Qazaqstan qalamgerleriniń tartymdy týyndylary el ishinde jáne shetelde keńinen tanylýyna kúsh-jigerińizdi arnap kelesiz.
Aldaǵy ýaqytta da qoǵamdyq-saiasi isterge belsene aralasyp, el-jurttyń syi-qurmetine bólene berińiz”, - delingen quttyqtaýda.
