جۋىردا ٶمٸردەن ٶتكەن زاڭگەر عابيت ٶمٸربەكتٸڭ ەكەسٸ ۇلىن ساعىنىشپەن ەسكە الىپ, ونىڭ باستاعان ٸسٸن جالعاستىراتىنىن ايتتى, دەپ حابارلايدى ult.kz.
ەكەسٸنٸڭ ايتۋىنشا, وسى كٷندەرٸ عابيتتٸ تانىعان جاندار ونىڭ دوستىعى, ەرٸپتەستٸگٸ جەنە قيىن سەتتە كٶرسەتكەن كٶمەگٸ تۋرالى ەستەلٸكتەرٸمەن بٶلٸسٸپ جاتىر.
“بٸرٸڭٸز عابيتتٸ دوسىم دەپ, بٸرٸڭٸز ەرٸپتەسٸم دەپ ەسكە الاسىز. ال ەندٸ بٸرٸڭٸز ونىڭ قيىن سەتتە قول ۇشىن بەرگەنٸن ايتىپ كەلدٸڭٸزدەر. وسىنداي ۇلدىڭ ەكەسٸ بولعانىمدى ماقتان تۇتامىن”, – دەدٸ مارقۇمنىڭ ەكەسٸ.
سونداي-اق ول بالاسى قۇرعان “Lawyer 888” ۇجىمىمەن بٸرگە زاڭگەردٸڭ باستاعان جۇمىسىن جالعاستىرۋعا نيەتتٸ ەكەنٸن ايتتى.
“ەندٸ سول ازاماتتارمەن بٸرگە عابيتتٸڭ باستاعان ٸسٸن جالعاستىرامىز. وسى شاڭىراقتىڭ ەلٸ تالاي ادامعا كٶمەگٸ تيسٸن. ەكە رەتٸندە مەنٸڭ تٸلەگٸم وسى”, – دەپ جازدى ول.
جازبا سوڭىندا ەكەسٸ ۇلىن دۇعاسىنا قوسىپ, وتباسىنا قولداۋ بٸلدٸرگەن بارشا جۇرتقا العىس ايتتى.
“بالامدى دۇعالارىڭىزعا قوسىپ جٷرگەن بارشاڭىزعا اللا رازى بولسىن. جانىڭ جەنناتتا بولسىن, عابيتٸم”, – دەپ تٷيٸندەدٸ ول.
ايتا كەتەيٸك, مارقۇم زاڭگەر عابيت ٶمٸربەكتٸڭ جارى ساعىنىشىن جەتكٸزدٸ.
عابيت ٶمٸربەك كٸم?
عابيت ٶمٸربەك - ازاماتتاردىڭ قۇقىعىن قورعاۋىمەن تانىلعان قازاقستاندىق زاڭگەر. ول “Lawyer 888” زاڭگەرلٸك كومپانيياسىن باسقارعان. قىلمىستىق, ازاماتتىق جەنە ەكٸمشٸلٸك ٸستەرمەن قاتار, وتباسىلىق داۋلار مەن بانككە قاتىستى مەسەلەلەر بويىنشا قۇقىقتىق كٶمەك كٶرسەتكەن.
زاڭگەر ەسكەردەگٸ ەلٸمجەتتٸك, جول-كٶلٸك وقيعالارى جەنە الاياقتىقتان زارداپ شەككەن ازاماتتاردىڭ مٷددەسٸن قورعاعان. سونىڭ ٸشٸندە وتارداعى ەسكەري بٶلٸمدە سوققىعا جىعىلعان سارباز ەسبول قاپاردىڭ ٸسٸنە قاتىسقان. بۇقارالىق اقپارات قۇرالدارى مەن ەلەۋمەتتٸك جەلٸلەردە نەسيە, بانكپەن اراداعى داۋ جەنە الاياقتىقتان ساقتانۋ مەسەلەلەرٸن تٷسٸندٸرٸپ جٷرگەن.
ونىڭ قايتىس بولعانى 2026 جىلعى 24 قازاندا حابارلاندى. قارالى حاباردى جەتكٸزگەن جۋرناليست يرينا سوۆەتجان زاڭگەردٸڭ ٶز سيۋجەتتەرٸندەگٸ كٶپتەگەن كەيٸپكەرگە تەگٸن كٶمەك كٶرسەتكەنٸن ايتقان.
