قازاقستاننىڭ حالىق ەرتٸسٸ ماقپال جٷنٸسوۆا مارقۇم جارى زامانبەك نۇرقادٸلوۆكە قاتتى ۇقسايتىن ازاماتتى كەزدەستٸرٸپ, ەسەرٸمەن بٶلٸستٸ, دەپ حابارلايدى ult.kz.
ەنشٸ ەلەۋمەتتٸك جەلٸدەگٸ پاراقشاسىندا امان ەسٸمدٸ ازاماتپەن كەزدەسكەنٸن ايتىپ, ونىڭ كەلبەتٸ مارقۇم جولداسىن ەسكە تٷسٸرگەنٸن جەتكٸزدٸ. ٶنەر يەسٸ بۇل سەتتٸڭ ٶزٸن ەرەكشە تولقىتقانىن جاسىرمادى.
"زەكەڭە ۇقسايتىن امان باۋىرىممەن كەزدەسٸپ قالدىم. زەكەڭنٸڭ 50 جاسى كٶزٸمە ەلەستەپ كەتتٸ", – دەپ جازدى ەنشٸ.
ماقپال جٷنٸسوۆانىڭ جازباسى وقىرماندارىن دا بەيجاي قالدىرمادى. كٶپشٸلٸك سۋرەتتەگٸ ازاماتتىڭ زامانبەك نۇرقادٸلوۆكە ۇقساستىعىنا تاڭعالىپ, پٸكٸرلەرٸن جارىسا قالدىرعان.
"زەكەڭنەن اۋمايدى!", "قانى بار ەمەس پە ەكەن?", "دەل ٶزٸ, ۇقسايدى ەكەن", "اۋمايدى ەكەن", – دەپ جازدى جەلٸ قولدانۋشىلارى.
كەيبٸر وقىرماندار ەنشٸنٸڭ مارقۇم جارىنا دەگەن قۇرمەتٸن ەرەكشە اتاپ ٶتٸپ, وعان جىلى لەبٸزدەرٸن ارناعان.
"ماقپال سٸڭٸلٸمٸز زامانبەك اعامىزدىڭ وشاعىنىڭ تٷتٸنٸن تٷتەتٸپ, مۋزەي قىلىپ ساقتاپ وتىر عوي. قىزدارىڭىزدىڭ قىزىعىن كٶرٸڭٸز, باقىتتى بولىڭىزدار!" – دەپ جازدى پٸكٸر بٸلدٸرۋشٸلەردٸڭ بٸرٸ.
ايتا كەتەيٸك, زامانبەك نۇرقادٸلوۆ 2005 جىلى ٶمٸردەن ٶتكەن ەدٸ. ماقپال جٷنٸسوۆا بۇعان دەيٸن دە مارقۇم جولداسىن ساعىنىشپەن ەسكە الىپ, ونىمەن بايلانىستى ەستەلٸكتەرٸن كٶپشٸلٸكپەن بٶلٸسٸپ جٷرگەن.
ماقپال جٷنٸسوۆا كٸم?
ماقپال مۇحامەدييارقىزى جٷنٸسوۆا – قازاق ەستراداسىنىڭ كٶرنەكتٸ ٶكٸلٸ, قازاقستاننىڭ حالىق ەرتٸسٸ, مەملەكەتتٸك سىيلىقتىڭ لاۋرەاتى. ول 1964 جىلى 11 قاڭتاردا قاراعاندى وبلىسىنىڭ تەرەكتٸ اۋىلىندا دٷنيەگە كەلگەن.
احمەت جۇبانوۆ اتىنداعى مۋزىكالىق مەكتەپ-ينتەرناتتا جەنە شىمكەنت مەدەنيەت ينستيتۋتىندا بٸلٸم العان. ٶنەر جولىن "گٷلدەر" انسامبلٸندە حالىق ەندەرٸن ورىنداۋدان باستاپ, كەيٸن "قازاقكونتسەرت" بٸرلەستٸگٸندە ەڭبەك ەتتٸ.
ونىڭ ورىنداۋىنداعى "عاشىق جٷرەك", "قىز عۇمىر", "فاريزا قىز", "قوشتاسۋ" ەندەرٸ تىڭدارمانعا كەڭٸنەن تانىلدى.
1994 جىلى قازاقستاننىڭ حالىق ەرتٸسٸ اتاعىن الىپ, 1999 جىلى مەملەكەتتٸك سىيلىقتىڭ لاۋرەاتى اتاندى.
